ფეხბურთი

22:52 | 23.11.2018 | ნანახია [] - ჯერ

Der Spiegel: სერხიო რამოსი ჩემპიონთა ლიგის ფინალის შემდეგ დოპინგზე ჩავარდა, უეფამ ინფორმაცია დამალა

ევროპულ ფეხბურთში მორიგი სკანდალი ამოტივტივდა. გერმანული გამოცემა Der Spiegel-ი Football Leaks-ზე დაყრდნობით წერს, რომ სერხიო რამოსი დოპინგ ტესტზე ორჯერ ჩავარდა, მაგრამ უეფამ სკანდალისგან თავის არიდების მიზნით, ეს ინფორმაცია არ გაასაჯაროვა.

როგორც წყარო იტყობინება, პირველად ეს 2017 წლის 3 ივნისს მოხდა. ჩემპიონთა ლიგის ფინალში მადრიდის „რეალისა“ და „იუვენტუსის“ მატჩის დასრულების შემდეგ, რომელიც ესპანელებმა 4:1 მოიგეს, რამოსის სისხლში დექსამეტაზონის კვალი აღმოჩნდა, რომელიც ათავისფულებს ტკივილს და ზრდის კონცენტრაციას. აღსანიშნავია, რომ მსოფლიო დოპინგის სააგენტოს მიერ (WADA) აკრძალულ პრეპარატებში არ შედის იმ შემთხვევაში, თუ ამის შესახებ წინასწარ არსებობს სამედიცინო ჩანაწერი.

თუმცა, რამოსთან არსებულ ვითარებაში შესაბამისი ჩანაწერები არ გაკეთებულა. "სამეფო კლუბის" ექიმმა განაცხადა, რომ ხსენებული პრეპარატი რამოსს შეცდომით მიაწოდა. გერმანული გამოცემის ცნობით, უეფამ ეს ინფორმაცია დღის სინათლეზე არ გამოიტანა და სკანდალისგან თავიდან აცილების მიზნით, დამალა. შესაბამისად არც რამოსი დაისაჯა და არც მადრიდის „რეალის“ ექიმი.

გარდა ამისა, რამოსი დოპინგ ტესტზე გასულ სეზონში, აპრილში, „მალაგასთან“ მატჩის შემდეგ ჩავარდა, თუმცა, შესაბამისმა უწყებებმა ყურადღება არც მაშინ გამოიჩინეს.

ამასთან, როგორც ცნობილი ხდება, რამოსის გარდა, სხვა და სხვა დროს, „რეალის“ კიდევ 10 ფეხბურთელის, მათ შორის კრიშტიანუ რონალდუსა და ტონი კროოსის დოპინგ კონტროლმა დადებითი პასუხი აჩვენეს.

აღნიშნულ სკანდალზე მადრიდის „რეალის პასუხმაც არ დააყოვნა:

Der Spiegel-ის გავრცელებულ ცნობაზე, რომელიც ჩვენს კაპიტან სერხიო რამოსს ეხება, შეგვიძლია ვუპასუხოთ:

1. სერხიო რამოსს არასდროს დაურღვევია დოპონგ კონტროლი.

2. უეფამ დროულად მოითხოვა ინფორმაცია და საქმე დაუყოვნებლივ დახურა მსოფლიო ანტი-დოპინგური სააგენტოსა და უეფას ექსპერტების შემოწმების შემდეგ.

3. ზემოხსენებული პუბლიკაციის დანარჩენი შინაარსის შესახებ, კლუბი კომენტარს ვერ გააკეთებს.

Loading...
სტატისტიკა
0.267227