ფეხბურთი

13:29 | 23.11.2018 | ნანახია [] - ჯერ

კანტემ "ჩელსისთან" გაახანგრძლივა

"ჩელსის" 27 წლის ფრანგმა ნახევარმცველმა ნგოლო კანტემ კლუბთან კონტრაქტი 2023 წლამდე გაახანგრძლივა, აღნიშნულ ინფორმაციას "არისტოკრატების" ოფიციალური ვებგვერდი ავრცელებს. გავრცელებული ინფორმაციით, კანტე კონტრაქტის მიხედვით 80 მილიონ ევროს მიიღებს.

კონტრაქტის გახანგრძლივებასთან დაკავშირებით კანტემ კომენტარი გააკეთა.

"ძალიან ბედნიერი ვარ, რომ "ჩელსისთან" კონტრაქტი გავახანგრძლივე. რაც ლონდონში გადმოვედი, ფაქტია მე უკეთესი ფეხბურთელი გავხდი, უფრო განვითარდი, მივიღე რამდენიმე ჯილდო. მიყვარს ქალაქი, მიყვარს კლუბი, აქ დარჩენით ბედნიერი ვარ" - განაცხადა კანტემ.

ნგოლო "ჩელსიში" 2016 წელს გადავიდა, ჯამში 105 შეხვედრა აქვს ჩატარებული და 4 გოლი გატანილი. მიმდინარე სეზონში კანტემ 16 შეხვედრა ჩაატარა და ერთი გოლი გაიტანა.

სტატისტიკა
0.256705