ფეხბურთი

14:42 | 6.11.2018 | ნანახია [] - ჯერ

ოქტომბრის საუკეთესო - გიორგი ჩაკვეტაძე

ოქტომბრის თვეში საუკეთესო ქართველი ფეხბურთელი გიორგი ჩაკვეტაძე გახდა. WORLDSPORT.GE-ს ყოველთვიურ გამოკითხვაში “თქვენ ირჩევთ”, ბელგიური "გენტის" ნახევარმცველმა ხმების უმეტესობა მიიღო და გაიმარჯვა.

აღნიშნულ გამოკითხვაში 613-მა ადამიანმა მიიღო მონაწილეობა და გიორგიმ გამოკითხულთა ხმების უპრეცედენტო რაოდენობა მიიღო - 91.0%. ჩაკვეტაძემ ჯაბა კანკავას აჯობა, რომელიც 6.9%-ით მეორე ადგილზე გავიდა. მესამე პოზიცია ერგო გიორგი ხარაიშვილს (2.1%).

აქვე, გიორგი ჩაკვეტაძის სექტემბრის მონაგარის შესახებ:

ალბათ, არ გადავამლაშებთ, თუ ვიტყვით, რომ ჩაკვეტაძის საუკეთესო თვე სწორედ ოქტომბერი გამოდგა. გიორგიმ ჯამში 6 მატჩი ჩაატარა და 5 გოლის გატანა მოახერხა. საქართველოს ნაკრებში ფანტასტიკური შეხვედრა ჰქონდა რიგაში, სადაც ლატვიას ულამაზესი გოლი გაუტანა და იქამდე საგოლე პასიც მიითვალა. ნაკრებიდან წასული კი „გენტში“ წავიდა და იქ უბრალოდ დაფრინავს. გიორგიმ ბელგური გუნდის მაისურით ბოლო სამ მატჩში 4 გოლი შეაგდო. „ოსტენდესა“ და „მუსკრონს“ თითო გოლი აკმარა, ხოლო „შარლერუასთან“ დუბლი შეასრულა და საკუთარ გუნდს მოაგებინა (2:1). ზედიზედ ორჯერ მოხვდა ბელგიის ჩემპიონატის ტურის სიმბოლურშიც.

ჩვენი გამოკითხვა "თქვენ ირჩევთ" დეკემბრის დასაწყისში ისევ განთავსდება ჩვენს ვებგვერდზე და თქვენ ნოემბრის თვის საუკეთესო ქართველ ფეხბურთელს გამოავლენთ.

Loading...
0.135849