ფეხბურთი

13:12 | 6.11.2018 | ნანახია [] - ჯერ

საქართველოს ნაკრების შემადგენლობა ერთა ლიგის ჯგუფური ეტაპის დასკვნითი მატჩებისთვის

მოახლოვდა სანაკრებო მატჩების დროც. საქართველოს ნაკრები ერთა ლიგის ჯგუფური ეტაპის დასკვნითი ორი შეხვედრისთვის მზადებას დამდეგი ორშაბათიდან დაიწყებს. "ჯვაროსნები" პირდაპირ ანდორაში შეიკრიბებიან, სადაც ფეხბურთელები 12 ნოემბერს მოიყრიან თავს და მეხუთე ტურის შეხვედრას 15 ნოემბერს ჩაატარებენ ადგილობრივ გუნდთან.

იქამდე კი, ვლადიმირ ვაისმა შემადგენლობა დაასახელა, რომელშიც 23 ფეხბურთელია. სლოვაკმა სპეციალისტმა უახლოესი ორი მატჩისთვის, ეროვნულ ნაკრებში 23 ფეხბურთელი გამოიძახა. წინა სიასთან შედარებით ორი ახალი სახეა გუნდში - ბაჩანა არაბული და გიორგი ხარაიშვილი. მათ აქამდეც უთამაშიათ ნაკრებში, მაგრამ ოქტომბერში - არა. ტრავმების გამო ისევ ვე დაეხმარებიან საქართველოს ნაკრებს გიორგი მაკარიძე, თორნიკე ოქრიაშვილი, გიორგი პაპუნაშვილი, გიორგი ქვილითაია და ლევან მჭედლიძე. ჯანო ანანიძე კი ამჯერზე ვერ მოხვდა შემადგენლობაში. მიზეზი ალბათ, უთამაებლობა და ფორმაში არყოფნა უნდა იყოს. სავარაუდოდ, ვაისმა გადაწყვიტა, რომ გუნდის ერთ-ერთი ლიდერი დაასვენოს.

სხვა მხრივ, შემადგენლობა ასეთია:

მეკარეები: გიორგი ლორია, როინ კვასხვაძე (ტორპედო, ქუთაისი), ლაზარე კუპატაძე (საბურთალო, თბილისი).

მცველები: ოთარ კაკაბაძე (ლუცერნი, შვეიცარია), სოლომონ კვერკველია (ლოკომოტივი, მოსკოვი, რუსეთი), დავით ხოჭოლავა (შახტარი, დონეცკი, უკრაინა), გურამ კაშია (სან ხოსე ერთკვეიკსი, აშშ), ლაშა დვალი (პოგონი, პოლონეთი), გიორგი ნავალოვსკი (დინამო, მინსკი, ბელარუსი), ჯიმი ტაბიძე (უფა, რუსეთი).

ნახევარმცველები: ჯაბა კანკავა (ტობოლი, ყაზახეთი), ნიკა კვეკვესკირი (ტობოლი, ყაზახეთი), გიორგი აბურჯანია (ლუგო, ესპანეთი), ვაკო გვილია (ლუცერნი, შვეიცარია), ოთარ კიტეიშვილი (შტურმი, ავსტრია), გიორგი მერებაშვილი (ვისლა, პლოცკი, პოლონეთი), გიორგი ჩაკვეტაძე (გენტი, ბელგია), ვაკო ყაზაიშვილი (სან ხოსე ერთკვეიკსი, აშშ), ლუკა ზარანდია (არკა, პოლონეთი), ვახტანგ ჭანტურიშვილი (სპარტაკ-ტრნავა, სლოვაკეთი), გიორგი ხარაიშვილი (გეტებორგი, შვედეთი).

თავდამსხმელი: ნიკა კაჭარავა (ანორთოსისი, კვიპროსი), ბაჩანა არაბული (პუშკაშ-აკადემია, უნგრეთი).

აქვე გეტყვით, რომ საქართველოს ნაკრები ანდორის ნაკრებთან მატჩის შემდეგ, 19 ნოემბერს, თბილისში წლის ბოლო შეხვედრას ჩაატარებს ყაზახეთის ნაკრებთან.

0.163579