"ლესტერის" მფლობელის ვერტმფრენმა "კინგ ფაუერ სთედიუმის" დატოვების შემდეგ კატასტროფა განიცადა. ვერტმფრენი სტადიონის პარკირების ადგილას ჩამოვარდა. კლუბის მფლობელი ვიჩაი შრივადჰანაპრაბჰა ვერტმფრენში იმყოფებოდა და ეს ინფორმაცია BBC-ის ტაილანდელის ოჯახთან დაახლოებულმა პირმა უთხრა. ჯერჯერობით ოფიციალური ინფორმაცია ვიჩაის გარდაცვალების შესახებ არ გავრცელებულა. ასევე უცნობია ბორტის წევრების ვინაობა.
ვერტმფრენმა სტადიონი "ლესტერისა" და "ვესტ ჰემის" მატჩის შემდეგ დატოვა და როგორც თვითმხილველებმა BBC-ს განუცხადეს, ვერტმფრენის პროპელერი მოულოდნელად გაჩერდა და მოწყობილობამ კატასტროფა განიცადა.
ვიჩაიმ "ლესტერი" 2010 წელს 39 მილიონ გირვანქა სტერლინის სანაცვლოდ შეიძინა და მისმა გუნდმა კლუბის არსებობის ისტორიაში 2016 წელს პრემიერლიგის გამარჯვებული პირველად გახდა. შრივადჰანაპრაბჰა ფორბსის ინფორმაციით ტაილანდში მდიდრებს შორის მეხუთე ადგილზე იყო.
