საქართველოს ეროვნული ნაკრების ფეხბურთელმა გიორგი ბერიძემ უნგრეთის უმაღლეს ლიგაში მოასპარეზე "უიპეშტს" "დიოშდიორთან" სტუმრად მოაგებინა. "გენტიდან" განათხოვრებული 21 წლის შემტევმა გოლები 77-ე და 89-ე წუთებზე გაიტანა და სტუმრებმა 2:1 იმარჯვეს.
გიორგი გასულ სეზონში ბელგიურმა კლუბმა "ტრენჩინში" გაანათხოვრა, ამჟამად კი "უიპეშტში" ერთწლიანი იჯარის წესით გადავიდა. ახალი გუნდის რიგებში ბერიძემ მეშვიდე შეხვედრა ჩაატარა და აღნიშნულ ორ გოლთან ერთად ერთი საგოლე გადაცემა მიითვალა.
