ევროპაში ბევრს საუბრობენ იმაზე, რომ ნორვეგიული ფეხბურთის მზე ჯონ კარეუს თაობის გადაბერების შემდეგ ჩაესვენა. ამ შეხედულებას დიდად აპროტესტებს ნორვეგიელი მოდელი და მსახიობი, ჰეიდი იონსენი, რომელიც ნორვეგიის საფეხბურთო ნაკრების თილისმად და სახედ სამართლიანად ითვლება.

ბევრმა ქვეყანამ უნდა ინატროს ჰეიდი იონსენისთანა გულმხურვალე და პატრიოტი ქომაგი, რომელიც მსოფლიოს რომელ ქვეყანაშიც კი არ უნდა ჩავიდეს, ყველგან საკუთარი ქვეყნისა და საფეხბურთო ნაკრების ქებითაა დაკავებული და დღენიადაგ იმას იძახის: “აგერ სულ ცოტა ხანი გვაცადეთ და ნახავთ ნორვეგიელები მსოფლიო ფეხბურთში რა ამბებსაც დავატრიალებთ“-ო.

რაც შეეხება სამოდელო კარიერას... მშვენიერი ჰეიდი ნორვეგიის საფეხბურთო ნაკრებისგან განსხვავებით ნამდვილად წარმატებული და ცნობადია. იგი პრაქტიკულად მთელი ევროპის მასშტაბით მოღვაწეობს და სამსახიობო კარიერაშიც ბოლო დროს დიდი წინსვლა აქვს. ნორვეგიელ ფეხბურთელებს მაგალითად ასეთი ქალი ყავთ და წესით ცოტა მეტი კი უნდა მოინდომონ...