კალათბურთი

14:00 | 12.10.2018 | ნანახია 1638 - ჯერ

Sports.ru: “შენგელია ევროლიგის საუკეთესო მძიმე ფორვარდად ჩამოყალიბდა”

როგორც უკვე ვიუწყებოდით, დღეს, თორნიკე შენგელიას “ბასკონია” ევროლიგის ახალ სეზონს გახსნის. ესპანური კლუბი ლიტვაში იმყოფება და ძალებს კაუნასის “ჟალგირისთან” მოსინჯავს. თამაში თბილისის დროით 21:00 საათზე დაიწყება.
მანამდე, ცნობილმა რუსულმა პორტალმა Sports.ru ახალ სეზონში გუნდების შანსები განიხილა და სასიხარულოა, რომ ბასკონიელებზე საუბრისას ძირითადი ყურადღება სწორედ ქართველ ლეგიონერს დაუთმო.

“ბასკონია”
მწვრთნელი: პედრო მარტინესი.
სასტარტო შემადგენლობა და ძირითადი როტაცია: ჯეისონ გრეინჯერი, მეტ ჯენინგი, შევონ შილდსი, თორნიკე შენგელია, ვენსან პუარე; მარსელინიო უერტასი, ლუკა ვილდოსა, პატრისიო გარინო, დარან ჰილიარდი, იოჰანეს ვოიგტმანი, ილიმანე დიოპი.
ყველაზე საინტერესო ფიგურა: თორნიკე შენგელია. ქართველმა კალათბურთელმა ზაფხულში გუნდთან ახალი კონტრაქტი გააფორმა და ერთგვარ “ფრანჩაიზად” იქცა (თუკი ეს ევროპულ კალათბურთში შესაძლებელია).
გასულ სეზონში შენგელიას შთამბეჭდავი და მრავალმხრივი სტატისტიკა ჰქონდა, რომელიც ევროლიგაში დამკვიდრებულ შეხედულებას სრულად ესადაგებოდა: თორნიკე ტურნირის საუკეთესო მძიმე ფორვარდად ჩამოყალიბდა, გამორჩეულად უკანასკნელი წლების განმავლობაში.
მთავარი რაც თორნიკეს ღირსებებს დაემატა, სტაბილურობაა. მისთვის მომდევნო სეზონი ერთგვარი გამოწვევაა. შენგელიამ განვითარება უნდა განაგრძოს და მისდამი სრულად მინდობილი “ბასკონია” საშინაო არენაზე დაგეგმილ “ოთხთა ფინალში” გაიყვანოს.
ბუქმეიქერთა მოლოდინი (მე-7 კოეფიციენტის მიხედვით): “ბასკონიას” უმთავრეს ფავორიტთა რიცხვს მხოლოდ შედარებით სუსტის სათადარიგოთა სკამის გამო ვერ მივაკუთვნებთ. თუკი გუნდს ორიდან ერთი ვარსკლავი მაინც გამოაკლდა, სიტუაციასთან გამკლავება ძალიან გაუჭირდება.
გუნდის პლიუსებს ერთ-ერთი საუკეთესო ევროპელი მწვრთნელი და სწრაფი თამაში უნდა მივაკუთვნოთ, რომელიც შენგელიასა და ჯეისონ გრეინჯერის ირგვლივაა აწყობილი. არც გამორჩეული დარბაზი “ფერნანდო ბუესა არენა” და პროგრესირებადი ილიმანე დიოპი უნდა დაგვავიწყდეს.
ბასკონიელთა ერთი შეხედვით ამბიციური მიზანი არც ისე უტოპიურია. გასულ სეზონში გუნდმა სტარტი ჩააგდო და მარტინესის მისვლის შემდეგ, ჩამორჩენის აღმოფხვრა დიდი ძალა შეალია. მომავალ სეზონში “ბასკონია” ფორის მიცემის არავისთვის აპირებს.

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:44 | 12.10.2018
dubligi (652)

ჩვენი საამაყო თოკო....წარმატებები)))
ერთს გთხოვ არ შეცდე და შენი პოპულარობა,ხალხის სიყვარული პოლიტიკაში-თანამდებობებში (საქართველოში ეს ორი მცნება, ერთი მცნებაა სამწუხაროდ) არ გამოიყენო მომავალში...ამის ცუდი მაგალითები კიდევ უამრავი ვიცით..მაგალითად კობიაშვილი ჩემთვის საამაყო ფეხბურთელი იყო, უფრო მეტად ვიდრე არველაძე, ქეცბაია და ასე შემდეგ, იმიტომ რომ შრომით მიაღწია ყველაფერს და ეს რა ქნა...

სარეკლამო ადგილი - 20
250 x 188
სარეკლამო ადგილი - 22
250 x 250
0.076497