ფეხბურთი

22:45 | 3.10.2018 | ნანახია [] - ჯერ

საქართველოს თასზე სამი ნახევარფინალისტი ცნობილია

საქართველოს დავით ყიფიანის სახელობის თასის სამი მეოთხედფინალური შეხვედრა გაიმართა და შესაბამისად, სამი ნახევარფინალისტიც გაირკვა.

„დინამო“ თბილისი ლანჩხუთში ჩავიდა, სადაც „გურიას“ ესტუმრა. მასპინძლებმა ძლიერ მეტოქეს ერთი ტაიმი დიდი წინააღმდეგობა გაუწიეს, მაგრამ მეორე ნახევარში დედაქალაქელებმა მოუმატეს და შედეგად 5 უპასუხო გოლი გაუტანეს მეტოქეს.

საინტერესოა, რომ „დინამომ“ ხსენებული 5 გოლი 13 წუთის ინტერვალში გაიტანა. დუბლი გაიფორმა ბუდუ ზივზივაძემ, ხოლო სანამ ის მოახერხებდა მეტოქის დამწუხრებას, იქამდე ლევან შენგელიამ, გიორგი ივანიშვილმა და ლაშა თოთაძემ შეძლეს გოლების გატანა. ამრიგად, კახა კაჭარავას გუნდმა ნახევარფინალის საგზური საკმაოდ ადვილად მოიპოვა.

1/2 ფინალში გავიდნენ „გაგრა“ და „თელავი“. პირველმა სტუმრად ბათუმის „მეტა“ რატი ცაცკრიალაშვილის კინკილა გოლით დაამარცხა, ხოლო კახელებმა თბილისის „ვიტ ჯორჯიას“ უფრო ადვილად აჯობეს - 3:0.

მეოთხე ნახევარფინალისტის ვინაობა 24 ოქტომბერს, ქობულეთის „შუქურასა“ და ქუთაისის „ტორპედოს“ შორის გაირკვევა.

„გურია“ – „დინამო“ 0:5 (0:0)

გოლები: 0:1 შენგელია (58), 0:2 ივანიშვილი (60), 0:3 თოთაძე (68, პენ), 0:4 ზივზივაძე (70), 0:5 ზივზივაძე (71)

„მეტა“ – „გაგრა“ 0:1 (0:0)

გოლი: 0:1 ცაცკრიალაშვილი (51)

„ვიტ ჯორჯია“ – „თელავი“ 0:3 (0:1)

გოლები: 0:1 ბერიაშვილი (32), 0:2 კამლაძე (63, პენ), 0:3 ბაშელეიშვილი (72)

0.115926