საქართველოს ნაკრებისა და ბელგიური "გენტის" ნახევარმცველის, გიორგი ჩაკვეტაძის სატრანსფერო ღირებულებამ მოიმატა. Transfermartk.de-ს ინფორმაციით, ჩაკვეტაძის ამჟამინდელი ფასი 5 მილიონ ევროს აღწევს (11 სექტემბრის მონაცემებით).
მანამდე, გიორგის ღირებულება 3 მილიონი ევრო იყო, თუმცა სეზონის სტარტზე "გენტში" კარგმა თამაშმა და ერთა ლიგაზე საქართველოს ნაკრებში ჩატარებულმა ორმა გამორჩეულმა შეხვედრამ 2 მილიონით გააძვირა.
შეგახსენებთ, ჩაკვეტაძემ ყაზახეთთან ულამაზესი გოლი გაიტანა და მეორე საგოლე კომბინაციაშიც მიიღო მონაწილეობა, ხოლო ლატვიასთან თერთმეტმეტრიანი გამოიმუშავა. "ჯვაროსნების" მაისურით 19 წლის ფეხბურთელს 3 თამაშში 2 გოლი აქვს გატანილი.
