ფეხბურთი

20:59 | 1.09.2018 | ნანახია [] - ჯერ

გიორგი აბურჯანიას გამარჯვების გოლი 96-ე წუთზე - ქართველმა "ლუგოს" მოაგებინა! (+VIDEO)

ესპანეთის ლა ლიგა 2-ის მიმდინარე სეზონში პირველი თამაში მოიგო გიორგი აბურჯანიას ახალმა გუნდმა "ლუგომ". გალისიელებმა მესამე ტურში საკუთარ მოედანზე "ნუმანსია" დაამარცხეს მეტად დაძაბულ და დრამატულ შეხვედრაში - 3:2.

გიორგი არ ყოფილა ძირითად შემადგენლობაში და მოედანზე ოდენ 84-ე წუთზე ანტონიო კამპილოს ნაცვლად გამოჩნდა. ხსენებული დროისთვის ანგარიში საყაიმო გახლდათ (2:2). სანამ მთავარზე გეტყოდეთ, იქამდე ის ვთქვათ, რომ პირველი ტაიმი "ნუმანსიამ" 2:0 მოიგო და შესაბამისად, "ლუგომ" საოცარი შეხვედრა შემოატრიალა.

გამარჯვების გოლი მსაჯის მეექვსე დამატებულ წუთზე გიორგი აბურჯანიამ გაიტანა! ქართველმა ნახევარმცველმა მეკარის მოგერიებულ ბურთს თავით დაამატა და თავის გუნდს სამი ქულა მოუტანა. აბურჯანიამ მესამე თამაში ჩაატარა "ლუგოში" და ეს პირველი გოლია გალისიელთა მაისურით. მის გუნდს კი 3 ტურის თავზე 4 ქულა აქვს მოპოვებული.

"ძალიან ბედნიერი ვარ გოლი რომ გავიტანე, თუმცა, მთავარია გამარჯვება. როდესაც შეცვლაზე შედიხარ, დასვენებული ხარ და ეს გარკვეული უპირატესობაა გუნდისთვის. შესანიშნავია, ასეთი გამარჯვების მოპოვება", - თქვა ნამატჩევს აბურჯანიამ.

0.162532