ალბათ საინტერესოა ცხრილი იმ ჭაბუკი ფეხბურთელებისა, რომლებიც საქართველოს ეროვნულ ლიგა 1-ში და ეროვნულ ლიგა 2-ში თამაშობენ. არა ირიცხებიან, არამედ თამაშობენ. ასე, ჩარიცხვით და სამატჩო განაცხადში ბევრია, მაგრამ სულ სხვაა, როცა სულ ახალგაზრდა ბიჭს ენდობიან.

აქ ის ფეხბურთელები არიან, რომლებსაც 19-წლამდე ლიგაშიც შეუძლიათ თამაში და ასევე, მთავარ გუნდშიც იმკვიდრებენ ადგილს, ან უკვე დამკვიდრნენ.

ასაკი მატყუარაა. შესაძლოა, შარშან ერთი იყო მაგარი და ახლა სხვამ მოუმატოს.

გააჩნია, რომელი ფეხბურთელი რომელი გუნდისთვის რა როლს ასრულებს და როგორ თამაშობს. ზოგჯერ ისე სჯიან, თითქოს მთავარია, რომელ გუნდშია. არადა, არანაკლებ მნიშვნელოვანია, რას წარმოადგენს ამ გუნდისთვის.

1999

მეკარეები: ლუკა გურგენიძე (კოლხეთი) - 1 (0), დავით მოწყობილი (შუქურა) - 3 (0)

მცველები: ნიკოლოზ მალი (საბურთალო) - 1 (0), ჯაბა კასრელიშვილი (გაგრა) - 3 (0), თორნიკე კოკაია (ცხინვალი) - 9 (0)

ნახევარმცველები: გიორგი კუცია (დინამო თბ) - 8 (1); თორნიკე ძებნიაური (ლოკომოტივი) - 13 (0), ნიკა ნინუა (დინამო თბ) - 16 (3), აკაკი ნინუა (სამტრედია) - 6 (1), გიორგი კაკულია (შევარდენი) - 1(0), გოგა ლურსმანაშვილი (შევარდენი) - 1 (0), მერაბ მეგრელაძე (შევარდენი) - 2 (1), პაატა კიტეიშვილი (დინამო თბ) - 9 (1), თენგიზ თოლორდავა (მერანი) - 6 (0), დავით ლუკავა (მერანი) - 5 (0), ლევან ბარაბაძე (ცხინვალი) - 15 (0)

თავდამსხმელები: მიხეილ ერგემლიძე (დინამო თბ) - 14 მატჩი, 1 გოლი, ლაშა ოზბეთელაშვილი (ლოკომოტივი) - 1 (0), ბექა ქავთარაძე (რუსთავი) - 12 (0), ირაკლი ზარიძე (ვიტ ჯორჯია) - 10 (2), ნუგზარ სპანდერაშვილი (გაგრა) - 11 (1), ლუკა სილაგაძე (რუსთავი) - 3(0)

2000

მეკარეები: დემეტრე ბულისკერია (დინამო თბ) - 18 (0)

მცველები: ლევან ხარაბაძე (დინამო თბ) - 17 (3)

ნახევარმცველები: ბექა დარცმელია (დინამო თბ) - 2 (0), ლაშა ნანობაშვილი (შევარდენი) - 4 (0), დავით ლომთაძე (მერანი) - 2 (0), თორნიკე ფაცაცია (მერანი) - 7 (0)

თავდამსხელები: რევაზ ინჯგია (ლოკომოტივი) - 5 (0), გიორგი ივანიაძე (შუქურა/გაგრა) - 17 (3), ლუკა ხარძიანი (შევარდენი) - 3 (0), თამაზ ბაბუნაძე (დინამო თბ) - 7 (0)

2001

ნახევარმცველები: ზურაბ დავითაშვილი (ლოკომოტივი) - 6 (0), ანატოლი მესიაჩენკო (სამტრედია) - 13 (0)

თავდამსხმელები: ხვიჩა კვარაცხელია (რუსთავი) - 4 (0)

ამ ასაკის ფეხბურთელები, რომლებიც გვიწერია, უცხოეთშიც გვყავს. მაგალითად, ყველაზე ნათელი წერტილი გიორგი ჩაკვეტაძე!