კატალონიის "ბარსელონას" 2018/19 წლების სეზონიდან ლიონელ მესი უკაპიტნებს. აღნიშნული ინფორმაცია ესპანური კლუბის ოფიციალურმა ვებგვერდმა გაავრცელა. არგენტინელი პირველი კაპიტანი იქნება, ხოლო ვიცე-კაპიტნები - სერხიო ბუსკეტსი, ჟერარ პიკე და სერხი რობერტო.
ლიონელი კაპიტანი ანდრეს ინიესტას წასვლის შემდეგ გახდა, რომელიც იაპონურ გუნდში გადავიდა სათამაშოდ და "ბლაუგრანას" ჩავის წასვლის შემდეგ 2015/16 წლების სეზონიდან კაპიტნობდა.
ლიონელ მესის "ბარსელონას" რიგებში ყველა ტურნირზე 637 მატჩი აქვს ჩატარებული. არგენტინელმა 552 გოლი გაიტანა და 239 საგოლე გადაცემა შეასრულა. 31 წლის არგენტინელის სატრანსფერო ღირებულება 180 მილიონი ევროა.
