მესუთ ოზილმა სანაკრებო კარიერა დაასრულა. აღნიშნულის შესახებ, მან საკუთარი სოციალური ქსელის საშუალებით განაცხადა.
თურქეთის პრეზიდენტთან რეჯიფ ტაიპ ერდოღანთან შეხვედრის და მუნდიალზე სუსტი თამაშის შემდგომ, ის გერმანელი ფანების კრიტიკის ქარ-ცეცხლში მოექცა, რასაც “არსენალის” ნახევარმცველმა სანაკრებო კარიერის დასრულებით უპასუხა. ის იმ ფაქტით განაწყენდა, რომ მას ემიგრანტად მოიხსენიებენ.
“მე ვიყავი გერმანელი, როდესაც ვიგებდით, მაგრამ როცა დავმარცხდით, მაშინ ემიგრანტი გავხდი”, - აღნიშნა განაწყენებულმა ოზილმა.
შეგახსენებთ, რომ 29 წლის მოთამაშე გერმანიის ნაკრებში 2009 წლიდან თამაშობდა და 92 მატჩში 23 გოლი გაიტანა. ის 2014 წელს მსოფლიოს ჩემპიონატის გამარჯვებული გახდა.