ფეხბურთი

2:29 | 20.07.2018 | ნანახია [] - ჯერ

ოფიციალურად: ალისონი “ლივერპულის” ფეხბურთელია

ბრაზილიის ნაკრების მეკარე ალისონ ბეიკერი კარიერას “ლივერპულში” განაგრძობს. აღნიშნული ინფორმაცია მერსისაიდული კლუბის ოფიციალურმა ვებგვერდმა დაადასტურა.

25 წლის კიპერმა სამედიცინო შემოწმება წარმატებით გაიარა და ახალ კლუბთან გრძელვადიანი კონტრაქტი გააფორმა. არაოფიციალური ინფორმაციის თანახმად, “რომამ” ბრაზილიელის სანაცვლოდ 62.5 მილიონი ევრო მიიღო, რაც იმას ნიშნავს, რომ ალისონი ყველაზე ძვირადღირებული მეკარე გახდება.

ის “რომას” ღირსებას 2016 წლიდან იცავდა და “მგლების” მაისური 64-ჯერ მოირგო. მან ახლახანს დასრულებულ მუნდიალზე ბრაზილიის ნაკრების კარი 5-ჯერ დაიცვა და 3 გოლი გაუშვა.

სტატისტიკა
0.310329