ფეხბურთი

16:10 | 18.07.2018 | ნანახია [] - ჯერ

ჯაბა ჯიღაური საფრანგეთში ითამაშებს

საქართველოს ნაკრების ნახევარმცველი ჯაბა ჯიღაური კარიერას საფრანგეთში გააგრძელებს. კერძოდ, ლიგა 2-ის ბინადარ “გრენობლში”. როგორც Grenoblefoot.info იტყობინება, ყველაფერი გადაწყვეტილია.

მართალია, თავად კლუბს ტრანსფერი ოფიციალურად არ დაუდასტურებია, მაგრამ როგორც წყარო წერს, ჯიღაური 17 ივლისს, “ანესისთან” ამხანაგური მატჩის დროს ტრიბუნებზე იმყოფებოდა. გარდა ამისა, მისი დებიუტი ახალ გუნდში 20 ივლისსა მოსალოდნელი, როდესაც “გრენობლი” ამხანაგურად “შატორუს” გაეჯიბრება.

საინტერესოა, რომ ფრანგულ გუნდს ოლივიე გეგანი ავარჯიშებს, რომელსაც ქართველ ფეხბურთელთან ნამუშევარი აქვს. 2015-2016 წლების სეზონში იმ “რეიმსს” ედგა სათავეში, რომლის ღირსებას ჯაბა კანკავა იცავდა. აქვე გეტყვით, რომ “გრენობლი” ლიგა 2-ის ახალვწეულია და სეზონის პირველ შეხვედრას 27 ივლისს, “სოშოსთან” ჩაატარებს.

რაც შეეხება ჯიღაურს, 26 წლის ქართველი ბოლოს ყაზახურ “ორდაბაისში” ირჯებოდა, ხოლო იქამდე სკოპიეს “ვარდარის”, საჩხერის “ჩიხურასა” და “დინამო თბილისის” წევრი იყო.

Loading...
სტატისტიკა
0.241982