რამდენიმე დღის წინ გავრცელდა ინფორმაცია, რომ "რეალს" "ჩელსის" ბელგიელი მეკარის ტიბო კურტუას გადაბირება სურდა. rmcsport.bfmtv.com-ის ცნობით, "რეალი" და "ჩელსი" კურტუას ტრანსფერზე შეთანხმდნენ, რაც რამდენიმე დღეში ოფიციალური გახდება. გავრცელებული ინფორმაციით, მადრიდული კლუბი ბელგიელ მეკარეში "ჩელსის" 35 მილიონ ევროს გადაუხდის.
2011 წელს "გენკიდან" კურტუა "ჩელსიში" გადავიდა, სადაც 126 შეხვედრა ჩაატარა. 2011-14 წლებში ბელგიელი "ატლეტიკოში" იყო განათხოვრებული. ტიბო 2011 წლიდან ბელგიის ნაკრების წევრია.