მთელი მსოფლიოს საფეხბურთო და ღვინისმოყვარე საზოგადოებამ კარგად უწყის ლეგენდარული ნახევარმცველის, ანდრეს ინიესტას მეღვინეობით გატაცების შესახებ, რომელიც პრინციპში უკვე კარგა ხანია გასცილდა გატაცების სფეროს და სერიოზულ, მძლავ ბიზნეს-პროექტად ჩამოყალიბდა, რომელშიც ანდრესმა უკვე 20 მილიონი ევრო დახარჯა.
ადრც ვწერდით იმაზე, რომ ინიესტას ღვინის კომპანია “ბოდეგა ინიესტა“ მრავალი სახის ღვინოს აწარმოებს და მთელს მსოფლიოში ძალიან კარგად ყიდის. კომპანიას ანდესის მამა მთავარი შატოდანუძღვება, რომელიც კასტილია ლა მანჩის პროვინციაში (ლეგენდარული “დონ კიხოტ ლამანჩელის“ ავტორის, მიდელ დე სერვანტეს საავედრას სამშობლო), ინიესტების მშობლიურ სოფელ ფუენტეალბილიაში მდებარეობს და ვენახების ერთი ნაწილიც ამ სოფელთან ახლოსაა გაშენებული.
თუმცა, ბოლო წლებში ინიესტების მეღვინეური ვნებები არამხოლოდ კასტილიის მხარეს არამედ მთლიანად ესპანეთსაც კი გასცდა. ჯერ კიდე შარშან, ანდრესმა ახალი ვენახები შეიძინა საფრანგეთში (ჟირონდის მხარეში) და იტალიაში (ტოსკანას რეგიონში) და უკვე წელს ზაფხულში ინიესტების სამარკო ნიშნით ბაზარზე შესაბამისად იტალიური და ფრანგული ღვინოებიც გამოჩნდება.
ჩვენთვის საინტერესო სიახლე კიდევ ისაა, რომ ინიესტების ყურადღება თითქმის ყველა იმ ქვეყანაზეა მიპყრობილი, სადაც მეღვინეობა ტრადიციულადაა გავრცელებული და კომპანიის მესვეურები აგრძელებენ სხვადასხვა ქვეყნების ვენახებზე და ვაზის ჯიშებზე დაკვირვებას. არაა გამორიცხული, მათი ყურადღების ქვეშ საქართველო და ქართული ვაზის ჯიშებიც მოექცეს და შესაძლოა დადგეს დრო, როდესაც ანდრეს ინიესტა ქვევრის კახურ საფერავს დააყენებს.
