ფეხბურთი

22:40 | 10.07.2018 | ნანახია [] - ჯერ

მათე ცინცაძე: "დადებითი შედეგია, რადგან ახალი შეკრებილი გუნდი ვართ"

ქუთაისის "ტორპედოს" ნახევარმცველმა მათე ცინცაძემ "შერიფთან" გამარჯვება შეაფასა (2:1). ახალგაზრდა ფეხბურთელის განცხადებით, მოკლე პერიოდში შეთამაშება რთული იყო და მიუხედავად გამარჯვებისა, ახლა მთავარია საპასუხო შეხვედრაში წარმატებული თამაში.

"სამი დღეა, რაც სრული შემადგენლობით შევიკრიბეთ და აქედან გამომდინარე ამ მატჩს დადებითად შევაფასებდი. მადლობას ვუხდი სტადიონზე მოსულ გულშემატკივარს, ასევე ყველა ფეხბურთელს. ძნელია, როცა წნეხის ქვეშ ხარ, რადგან ბოლო წლების შედეგებიდან გამომდინარე დიდი კრიტიკა იყო. ჯერ ყველაფერი არ დამთავრებულა და 1 კვირაში გასვლაზეც ისე უნდა ვითამაშოთ, როგორც დღეს. რთულია 3 დღეში შეთამაშება, მაგრამ ბიჭებმა ხელი შემიწყვეს, რაც გამოჩნდა კიდევაც.

გლინკა ძალიან კარგი ფეხბურთელია, იცის თამაში და ყველანაირად გიგებს. გამიხარდა, რომ ასეთ გუნდში მოვხვდი და იმედი მაქვს, წარმატებასაც მივაღწევთ", - განაცხადა ცინცაძემ.

"ტორპედოსა" და "შერიფის" საპასუხო შეხვედრა ტირასპოლში, 18 ივლისს გაიმართება.

Loading...
სტატისტიკა
0.28886