კალათბურთი

15:34 | 10.07.2018 | ნანახია 971 - ჯერ

ზაზა ფაჩულიას აკადემია. ცემის დღიურები. I ნაწილი

საინტერესო, მდიდარი და წარმატებული (U 18, U 16, Junior NBA-ს ჩემპიონები) სეზონის შემდეგ, ზაზა ფაჩულიას აკადემიის პატარები მწვრთნელებთან ერთად ცემში გადიან შეკრებას. ეს უკვე ტრადიციაა. წელს, კემპზე მონაცვლეობით სამი ასაკობრივი ჯგუფი ჩავა და მწვრთნელები პატარებს კიდევ ბევრ საინტერესო ნიუანსს აუხსნიან, ასწავლიან. ბავშვებიც სიამოვნებით ითვისებენ ყველაფერს. კემპის პირველ ეტაპზე აკადემიის ერთ-ერთ მწვრთნელს (U 18) - ლექსო ლაფანაშვილს გავესაუბრეთ. 1. როგორ მიდის კემპი? ლექსო ლაფანაშვილი: "კემპი გეგმით მიდის. ამინდი ხელს გვიწყობს და ეს უკვე კარგია. განწყობა მშვენიერია. ბავშვებს აქ ყოფნა მოსწონთ. იყო გამონაკლისი. რამდენიმე ბავშვს გაუჭირდა მშობლის გარეშე, მაგრამ ესეც აკლიმატიზაციის მომენტი იყო. პატარები არიან და ასეთი რამ ხდება ხოლმე." 2. რამდენი ბავშვია კემპზე? ლ.ლ: "47 ბავშვი. კემპის პირველი ნაკადი 2008-წლიანებით დაკომპლექტდა. არის რამდენიმე 2009-იანიც. ბავშვები ეჩვევიან დატვირთვებს. მწვრთნელებიც მაქსიმალურად ხელს ვუწყობთ აკლიმატიზაციაში." 3. რას იღებენ პატარები კემპზე? ლ.ლ: "ცემში წამოსვლამდე წინასწარ შევადგინეთ, დავწერეთ სრული პროგრამა და მთელი კურსიც ამ პროგრამით მიდის. ბავშვები პირველ რიგში, ეჩვევიან დამოუკიდებელ ცხოვრებას. როგორ უნდა გადადგა პირველი ნაბიჯი, როგორ უნდა დაიწყო სპორტსმენად ჩამოყალიბება. სპორტსმენისთვის შეკრება აუცილებელია. პატარები სწავლოვენ ურთიერთობას და თავისთვად, დღეში ორჯერადი ვარჯიშები გვაქვს. დილის ვარჯიშზე ძირითადად, კოორდინაციაზე, სწორ სირბილზე და სისწრაფეზე გვაქვს ვარჯიშები. საღამოს, უფრო ბურთით ვარჯიშები არის. ზაზას აკადემიაში გვაქვს გადასატანი მოედანი და ამას ძალიან კარგად ვიყენებთ. საღამოობით პატარებს გასართობ ვარჯიშებს ვუტარებთ. მთლიანობაში, კემპი მშვენივრად მიდის."

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
19:21 | 10.07.2018
პანტელეიმონი (4044)

ანტელეიმონი (3854)პასუხი
მ ი მ ა რ თ ვ ა ზ ა ზ ა ფ ა ჩ უ ლ ი ა ს

ზაზა, ყველა შემთხვევაში გილოცავ მორიგ აღიარებას, მაგრამ მინდა როგორც შენმა ერთ-ერთმა გულშემატკივარმა გულწრფელად გითხრა ჩემი სათქმელი;
ვფიქრობ, თუ აგრძელებ კარიერას და თანაც NBA -ში, მაშინ ჯერ ცოტა ადრეა მიღწეული წარმატებებით ტკბობა და ჯერ ჯობია გააგრძელო ახალი სპორტული მიღწევებისთვის ბრძოლა. თუ საკლუბო კარიერაში უმაღლეს მიღწევამდე მიხვედი, ვფიქრობდი რომ ჩაგდებული ევროპის ჩემპიონატის მერე გიხილავდით კვლავ ნაკრებში, მიუხედავად ნაკრებიდან წასვლის განცხადებისა (ბოლო, ბოლო ჯორდანმა გადათქვა რამდენჯერმე თავისი განცხადება მოთამაშის კარიერის დამთავრების შესახებ), მითუმეტეს NBA -ს თავისუფალი ფანჯრის დროს და მითუმეტეს იმ დროს როცა მაინდამაინც გადაღლილი არ იყავი თამაშებით. იმისთვის, რომ ქართველი ხალხისთვის დიდი სიხარული მოგენიჭებინა, საკმარისი იქნებოდა სულ ცოტა ერთი კვირით შეგემცირებინა შვებულება და გამოცხადებულიყავი ნაკრებში. მანამდე კი ღიად განგეცხადებინა ნაკრებში დაბრუნების შესახებ და იქნებ ამ შემთხვევაში მაიკლ დიქსონსაც არ მიეტოვებინა (ძნელია ლეგიონერს მოთხოვო მუდმივად ერთგულება და თავგანწირვა, როცა ქართველი კალათბურთელებისთვის ნაკრები აღარ არის ისეთი პრიორიტეტული, როგორც ადრე მუდმივად იყო) ნაკრები და შენი შემხედვარე სხვა ქართველი კალათბურთელებიც გაორმაგებული ძალისხმევით (თუნდაც ტრამვირებულები გამაყუჩებულებების ქვეშ, როგორც მანამდეც არა ერთხელ უქნიათ) შეხვდებოდნენ სერბებთან პრინციპულ მატჩს, მათ შორის ახალგაზრდები. დარწმუნებული ვარ ასეთი მოტივაციით საქართველოს ნაკრებს შეეძლო გამარჯვება ძლიერ სერბეთის ნაკრებთან და სექტემბერში გავაგრძელებდით რეალურ ბრძოლას მსოფლიო ჩემპიონატზე მოსახვედრად.

თუ არ გამინაწყენდები, მინდა ასევე გულწრფელად ვისაუბრო შენს აკადემიაზე;
ზაზა, დროა რეალურად ჩაიხედო აკადემიის საქმიანობაში და ობიექტურად შეაფასო ვითარება. მე კარგად ვიცნობ "ფაჩულიას აკადემია"-ს, ვინაიდან ჩემი ორი შვილი და მათი კლასელი მეგობრები დადიან შენს აკადემიაში და მინდა გითხრა, რომ აკადემიის დირექტორმა (შენმა ცოლის ძმამ) იქაურობა გადააქცია ფულის საჭრელ მანქანად და არა იმ საკალათბურთო სკოლად რასაც ყველა "ფაჩულიას აკადემია"-დან ველოდებოდით.
დავიწყოთ იმით, რომ გადასახადის ღირებულების (120 ლარი) ადექვატურ ვერც სპორტულ და ვერც სხვა მომსახურებას ვერ იღებენ ბავშვები. იმის გარდა რომ უფასოდ ურიგდებად იაფასიანი საკალათბურთო ფორმები, სხვა განსხვავებას ვერ ვხედავ (დამერწმუნეთ მათ მუშაობასაც კარგათ ვიცნობ) რამდენიმე წამყვან საკალათბურთო სკოლასთან შედარებით (სადაც საშუალო გადასახადი 70 ლარია), ვერც მწვრთნელების კვალიფიკაციის (ზოგ შემთხვევაში აღემატებიან კიდეც) და ვერც სხვა შეთავაზებების კუთხით. კიდევ უფრო დიდ გაკვირვებას იწვევს თქვენს სკოლაში დანერგილი კერძო გაკვეთილების პრაქტიკა (ერთი გაკვეთილის ფასი 30 ლარი), რომელიც უფრო მეტი ხარისხით გამოირჩევა, მაგრამ საქართველოში არსებული ეკონომიკური ფონის გამო მიუწვდომელია ბევრი ოჯახისთვის და ამასთან ბავშვების დიფერენციაც გარკვეულ უხერხულობას ქმნის. ამასთან, თუ ბავშვების ინტერესია მთავარი და არა ფინანსური მოგება, გადასახედია მეცადინეობების გრაფიკი, რადგან შენს აკადემიაში ბავშვები მთელი ქალაქიდან დადიან და უწევთ ზოგს სამი და ზოგს ექვსი გაკვეთილის გაცდენა კვირაში რომ შეძლონ ვარჯიშზე სიარული. ასევე აკადემიას არ აწყენდა უფრო ლიბერალური ყოფილიყო გადასახადის ერთ დღიან გადაცილებაზე მაინც, როცა ამ მიზეზით სავარჯიშოთ მოსულ ბავშვებს სახლში აბრუნებენ, ამ დროს მშობლების მიერ 10 ივნის გადახდილი სრული თანხის მიუხედავად, აკადემიის დირექცია ყოველგვარი ახსნა - განმარტების გარეშე ორი კვირით ადრე წყვიტავს სავარჯიშო პროცეს. მაგრამ ყველაზე მეტად უკმაყოფილებას იწვევს ბავშვებში უსამართლო, დაუმსახურებელი და ხშირად ნეპოტიზმის ნიშნით (თავს შევიკავებ აკადემიაში რამდენიმე გახმაურებული ასეთი შემთხვევის დასახელებისგან) ბავშვების დაწინაურების პრაქტიკა უფრო ძლიერ ჯგუფებში. ასევე უნდა აღვნიშნო, მიუხედავად თქვენს აკადემიაში არსებული დუშების არსებობისა, ბავშვებისთვის ისინი მიუწვდომელია ზამთარ - ზაფხულ (ალბათ ეკონომიის გამო), როცა ცნობილი ფაქტია, რომ ვარჯიშის შემდეგ ოფლის არ ჩამორეცხვა სპორცმენებში იწვევს კუნთის ტონუსის დაქვეითებას.

ზაზა, ზემოთ ჩამოთვლილი ფაქტორების გამო ბევრმა კარგმა ბავშვმა დატოვა შენი აკადემია და ბევრი ფიქრობს იგივეს. რაც შეეხება ჩვენი, მშობლების მოტივაციას როცა გადავწყვიტეთ შენს აკადემიაში შვილების შემოყვანა, იყო რწმენა რომ შენ, ზაზა ფაჩულია ყველაფერს გააკეთებდი, რომ თუნდაც შედარებით ძვირ, მაგრამ გამორჩეულ საკალათბურთო სკოლას შექმნიდი. ჩვენ კიდევ გვაქვს იმედი, რომ ქართული სპორტის რაინდი - ზაზა ფაჩულია სახელმწიფოსგან უზურფრუქტით, 49 წლით უსასყიდლოდ გადაცემულ დიდუბის აკადემიაში შეძლებს სუბიექტური, თუ ობიექტური პრობლემების აღმოფხვრას და თავისი სახელის საკადრის "ფაჩულიას აკადემია"-ს ჩამოაყალიბებს.

02:15 | 11.07.2018
O. Mertskhali (3117)

+

სარეკლამო ადგილი - 20
250 x 188
სარეკლამო ადგილი - 22
250 x 250
5.080407