ფეხბურთი

22:26 | 14.06.2018 | ნანახია 739 - ჯერ

"ვესტ ჰემი" "ლაციოს" ანდერსონის ტრანსფერზე შეუთანხმდა

რომის "ლაციოს" ნახევარმცველი ფელიპე ანდერსონი კარიერას "ვესტ ჰემში" გააგრძელებს. როგორც Sky Sports-ი იუწყება, ინგლისური და იტალიური კლუბები ტრანსფერზე უკვე შეთანხმდნენ და უახლოეს მომავალში ბრაზილიელი ახალ გუნდში გადავა.

რომში გამართულ შეხვედრაზე კლუბების წარმომადგენლებმა მოილაპარაკეს, რომ "ლაციო" ტრანსფერის სანაცვლოდ 26 მილიონ გირვანქა სტერლინგს მიიღებს და თუ "ვესტ ჰემი" მომავალში ფეხბურთელს გაყიდის, გარიგების 20% იტალიურ გუნდს უნდა გადაეცეს.

ანდერსონი "ლაციოს" "სანტოსიდან" 2013 წელს შეუერთდა. გასულ სეზონში ბრაზილიელმა 32 შეხვედრა ჩაატარა, გაიტანა რვა გოლი და 10 საგოლე გადაცემა შეასრულა. სამხრეთამერიკელის სატრანსფერო ღირებულება 30 მილიონი ევროა.

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
23:17 | 14.06.2018
Chat shit get banged (1125)

არადა მანჩესტერში უნდა გადასულიყო ეს სამი წლის წინ 120 მილიონად

სტატისტიკა
0.182978