საფრანგეთის ნაკრებისა და “მონაკოს” შემტევი ნახევარმცველი ტომას ლემარი კარიერას “ატლეტიკოში” გააგრძელებს. აღნიშნული ინფორმაცია მადრიდული გუნდის ვებგვერდმა ოფიციალურად დაადასტურა.

ტრანსფერის ფინანსური მხარე უცნობია, თუმცა ესპანური მედიის ვარაუდით, “როხიბლნაკოს” ფეხბურთელის შეძენა 60-დან 65 მილიონ ევრომდე დაუჯდა.

22 წლის ლემარმა სახელი “მონაკოს” რიგებში თამაშით გაითქვა, რომლის შემადგენლობაში გასულ სეზონში 38 მატჩი ჩაატარა და 2 გოლი გაიტანა. ტომასი ამჟამად საფრანგეთის ნაკრებშია მიწვეული და მსოფლიოს ჩემპიონატზე სათამაშოდ ემზადება.