სხვა

19:17 | 12.06.2018 | ნანახია 297 - ჯერ

შვეიცარიის სიონი 2026 წლის ზამთრის ოლიმპიური თამაშების მასპინძლობისთვის ბრძოლას გამოეთიშა

2026 წლის ზამთრის ოლიმპიური თამაშების მასპინძლობისთვის ბრძოლას გამოეთიშა შვეიცარიის სიონი. კანტონ ვალეს (ტერიტორიალური ერთეული) მაცხოვრებელთა 54 პროცენტს არ სურს კანტონის ხელისუფლების მხრიდან სიონის კანდიდატურის მხარდასაჭერად სახსრების გამოყოფა, რაც დაახლოებით 100 მილიონ შეიცარიულ ფრანკს (101 მილიონი აშშ დოლარი) ითვალისწინებდა.

ქალაქ სიონის პრეზიდენტი ფილიპ ვარონი ადასტურებს, რომ პროექტი დასრულდა და რომ არ არსებობს „გეგმა ბ".

შედეგად, 2026 წლის ოლიმპიადის მასპინძლობისთვის ბრძოლას აგრძელებენ: გრაცი (ავსტრია), სტოკჰოლმი (შვედეთი), საპორო (იაპონია), ერზრუმი (თურქეთი), აგრეთვე იტალიის კორტინა დ'ამპეცოს, მილანისა და ტურინის სამეული. კანდიდატთაგან ერზრუმი აუტსაიდერადაა მიჩნეული, საპორო დიდი ალბათობით განაცხადს 2030 წლით შეცვლის, კალგარი კი, ისევე როგორც ეს სიონის შემთხვევაში იყო, მასპინძლობისთვის ბრძოლის შესაძლებლობას რეფერენდუმით გაარკვევს.

2026 წლის ზამთრის ოლიმპიური და პარალიმპური თამაშებისთვის ბრძოლის ოფიციალური კანდიდატები წლეულს ბუენოს აირესში, IOC-ის სესიაზე დამტკიცდება, თამაშების დედაქალაქი კი გაისად, IOC-ის სექტემბერის სესიაზე გამოვლინდება.

http://geonoc.org.ge/

სარეკლამო ადგილი - 25
710 x 104
Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 20
250 x 188
სარეკლამო ადგილი - 22
250 x 250
0.057799