ფეხბურთი

10:59 | 12.06.2018 | ნანახია 3998 - ჯერ

"მას დიდი მომავალი აქვს" - "სარაგოსა" პაპუნაშვილს 10 მილიონად აფასებს

გიორგი პაპუნაშვილმა “სარაგოსაში” წარმატებული სეზონი ჩაატარა. 22 წლის ქართველი ფეხბურთელის შესახებ ესპანური გამოცემა Zaragoza.eldesmarque.com-ი წერს და აღნიშნავს, რომ მას დიდი მომავალი აქვს.

გარდა ამისა, წყარო აანონსებს, რომ გიორგი არაგონელებთან კონტრაქტს გაახანგრძლივებს:

“ნათელია, რომ “სარაგოსაში” სეზონის ერთ-ერთი მთავარი აღმოჩენაა. ქართველმა ფეხბურთელმა ეს დაამტკიცა კარგი თამაშით და განსაკუთრებით, გატანილი გოლებით, რადგან კლუბის ბომბარდირთა შორის მეორე ადგილზე გავიდა.

ადაპტაციის პრობლემების მიუხედავად, პაპუმ საბოლოოდ დაამტკიცა, რომ ლა ლიგა 2-ში ძლიერი ფეხბურთელია და ამავდროულად, დიდი მომავალიც აქვს, რადგან მხოლოდ 22 წლისაა. მან დაიმსახურა ახალი კონტრაქტი, რომელსაც მხოლოდ მხარეების ხელმოწერა აკლია.

თავდამსხმელის ხელფასი გაუმჯობესდება და ამასთან, კონტრაქტში ჩაიდება პუნქტი, რომლის თანახმადაც მისი გამოსასყიდი თანხა 10 მილიონი იქნება. ხელშეკრულება, რომელიც ამჟამად 2021 წლამდეა გათვლილი, ერთი წლით გახანგრძლივდება”, - წერს გამოცემა.

შეგახსენებთ, გიორგი პაპუნაშვილი “სარაგოსაში” ერთი წლის წინ გადავიდა. ლა ლიგა 2-ის განვლილ სეზონში ქართველმა შემტევმა 28 მატჩში 7 გოლი გაიტანა. თანაგუნდელთა შორის მხოლოდ ბორხა იგლესიასს ჩამორჩა, რომელმაც სეზონი 22 გოლით დაასრულა.

სარეკლამო ადგილი - 25
710 x 104
Loading...

კომენტარები (4)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
13:22 | 12.06.2018
--whats--up-- (334)

17 წლამდელების შემადგენლობა ევროპის ჩემპიონატზე 2012 წელს რომლებისაც მაგრად გვეიმედებოდა. რამოდენიმე ქაჩავს ჯერჯერობით. ბევრი დაიკარგა. მათე ცინცაძეც ამ შემადგენლობაში არაა დაიკარგა ისიც. ალექსანდრე ადამია, ოთარ კაკაბაძე, ლაშა დვალი, ნიკა ჭანტურია (კაპ), გიგა სამხარაძე, ჭიაბერ ჭეჭელაშვილი (გიორგი აბურჯანია 68), გიორგი პაპუნაშვილი, ვანო წილოსანი (ნიკა ახვლედიანი 52), ალეკო მზევაშვილი, დავით ჯიქია (დათო დარციმელია 41), გიორგი გოროზია

16:30 | 12.06.2018
shakooo7 (2434)

გუნდური სული და დისციპლინა ქონდათ მაღალ დონეზე, რაც ცქიფოს დამსახურება იყო

15:27 | 12.06.2018
# KoRBeN DaLLaS # (12352)

ნახევარფინალი რომ ითამაშეს, ის გუნდია ხო ? მართლაც კარგები იყვნენ.

12:57 | 12.06.2018
--whats--up-- (334)

20 გოლი მინიმუმ უნდა შეაგდო მომდევნო სეზონში და ლა ლიგაში გადახვიდეთ. ხიმნასტიკიც გაქაჩავს მომავალ წელს კარგი ფეხბურთელები ყავს

11:33 | 12.06.2018
gogga78 (833)

ასე რო მოწონებოდათ ერთწლიანს არ გაუფორმებდნენ, ასე მომავალ ზაფხულს თავისუფალი აგენტი იქნება და უფასოდ წავა..

12:14 | 12.06.2018
irakli111 (35)

2022 მდე აქვთ კონტრაქტი იქამდე 4 წელია და პლიუს კიდე 1 იო და მეტი რა გინდა?

11:47 | 12.06.2018
mir11 (101)

კითხვა არ იცი? წაკითხულიდან აზრი ვერ გამოგაქვს და ამდენი ბოღმის ნთხევას ჯობია ელემენტარული წინადადებიდან აზრი გამოტანა დაამუღამო

11:31 | 12.06.2018
Zuka_Kupra (2)

ჩემი პირველი კომენტარი ფორუმზე)

10 მილიონი ნამდვილად ბევრია, არ ღირს ამდენი. ისე, კარგი იქნება თუ ლა-ლიგის რომელიმე გუნდი წაიყვანს, მაგრამ თუ სკამზე დასვავენ, ისევ ჯობია, რომ აქ იყოს და სათამაშო პრაქტიკა ჰქონდეს.

სტატისტიკა
0.190855