ფეხბურთი

2:00 | 6.06.2018 | ნანახია [] - ჯერ

სერხიო რამოსი: "ფირმინო გაცივდა, რადგან ჩემი ოფლი მოხვდა"

მადრიდის “რეალის” კაპიტანმა სერხიო რამოსმა დუმილი დაარღვია და ჩემპიონთა ლიგის ფინალში, “ლივერპულთან” მომხდარ ინციდენტებზე კომენტარი გააკეთა.

რამოსის განცხადებით, მას ყველაფერი დააბრალეს ერთისა - რობერტო ფირმინო ჩემი ოფლის გამო გაცივდაო...

“არ მინდა ამ თემაზე საუბარი, რადგან ძალიან ბევრი რამ ითქვა. მაგრამ, თუ კარგად დააკვირდებით, ნახავთ, რომ სალაჰი ჩემს წინააღმდეგ თავად არღვევდა თამაშის წესებს. მიუხედავად ამისა, ამბობენ, რომ ეს იყო ძიუდოს ილეთი...

მერე ისიც თქვეს, რომ მეკარემ ჩემთან შეჯახებისას ტვინის შერყევა მიიღო. მხოლოდ ის დარჩა, რომ ფირმინოს ეთქვა, გავცივდი, რადგან სერხიო რამოსის ოფლი მომხვდა”, - განუცხადა რამოსმა As-ს.

შეგახსენებთ, ჩემპიონთა ლიგის ფინალში სერხიო რამოსთან კონტაქტის შემდეგ მოჰამედ სალაჰი დაშავდა. გარდა ამისა, ცოტა ხნის დადგინდა, რომ ლორის კარიუსმა ტვინის შერყევა მიიღო იმ ეპიზოდში, როდესაც მას რამოსი შეეჯახა.

Loading...
სტატისტიკა
0.29472