საქართველოს ეროვნულმა ნაკრებმა ავსტრია დატოვა და შეკრების მეორე ნაწილისთვის მზადება დაიწყო. ახლა უკვე ლუქსემბურგში, სადაც ადგილობრივ ნაკრებს გაეჯიბრება ამხანაგურად.
სფფ-ის პრესსამსახურის ცნობით, ვლადიმირ ვაისის შეგირდებმა საფეხბურთო კლუბ “რასინგის” მოედანზე ივარჯიშეს. “ჯვაროსნებს” ორი ფეხბურთელი შეემატა – კაპიტანი ჯაბა კანკავა და ოთარ კაკაბაძე.
ორივე მოთამაშე გუნდს მალტასთან სპარინგში ვერ დაეხმარა, რადგან თავიანთ კლუბებში მნიშვნელოვანი მატჩები ჰქონდათ.
აქვე გეტყვით, რომ ლუქსემბურგისა და საქართველოს ნაკრების მატჩის 5 ივნისს, თბილისის დროით 22:00 საათზე დაიწყება.
