სხვა

19:00 | 17.05.2018 | ნანახია 228 - ჯერ

ტოკიო-2020-ის ბილეთების ფასის ზედა ზღვარი დაწესდა

ტოკიოს 2020 წლის ოლიმპიური თამაშების საორგანიზაციო კომიტეტმა თამაშების გახსნის ცერემონიალისთვის ბილეთების ფასის ზედა ზღვარი დააწესა - 288 000 იენი (2 600 აშშ დოლარი).

პარალიმპური თამაშების გახსნის ცერემონიალისთვის ზედა ზღვარი შეადგენს 144 100 იენს (1 300 დოლარი).

ახლა ჯერი საერთაშორისო ოლიმპიურ კომიტეტზეა (IOC), რომელმაც ბილეთების ფასი ივლისში უნდა განიხილოს, გაყიდვები კი გაისად დაიწყება.

შეჯიბრებებზე დასასწრები ბილეთების საწყისი ფასი შესაძლოა 2 000 იენით (18 დოლარი), ხოლო პარალიმპური ასპარეზობებისთვის 1 000 იენით (9 დოლარი) განისაზღვროს.

ოლიმპიური და პარალიმპური თამაშების გახსნის ცერემონიალები შედგება იაპონიის „ახალ ეროვნულ სტადიონზე", რომლის მშენებლობაც დაგვიანებული გრაფიკით მიმდინარეობს. ამის გამო 2019 წელს იაპონიაში გასამართ მორაგბეთა მსოფლიო თასის ფინალს „იოკოჰამას სტადიონი" უმასპინძლებს.

Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 20
250 x 188
სარეკლამო ადგილი - 22
250 x 250
0.176561