სერბი არბიტრი სრდან ობრადოვიჩი მკაცრად დაისაჯა. ნოვი სადის სასამართლომ ობრადოვიჩს ერთთვიანი პატიმორბა შეუფარდა.
საქმე ისაა, რომ სერბეთის ჩემპიონატის ბოლო ტურში “სპარტაკისა” და “რადნიჩკის” მატჩში განსაჯა და მეტად საეჭვო გადაწყვეტილებები მიიღო. ორივე გუნდი ევროპა ლიგის საგზურისთვის იბრძვის და უშუალო კონკურენტები არიან. წინა ტურამდე თანაბარი ქულები ჰქონდათ, მაგრამ “სპარტაკმა” მეტოქეს 2:0 მოუგო და მესამე ადგილზე დამკვიდრდა.
თუმცა, ორივე გოლი პენალტით გავიდა და ორივე საეჭვო ვითარებაში დაინიშნა. განსაკუთრებით მეორე თერთმეტმეტრიანი. საჯარიმოში ფეხბურთელებს შორის კონტაქტი არ ყოფილა, მაგრამ ობრადოვიჩმა პენალტი მაინც დანიშნა.
ისიც აღსანიშნავია, რომ სანამ “სპარტაკის” სასარგებლოდ ორჯერ დანიშნავდა უმაღლეს საფეხბურთო სასჯელს, იქამდე “რადნიჩკის” ფეხბურთელიც გაუძევა (49-ე წუთზე)...
სხვათა შორის, ეს არაა პირველი შემთხვევა, როდესაც სერბეთში მსაჯობა საეჭვო გახდა.