ფეხბურთი

2:30 | 17.05.2018 | ნანახია 1933 - ჯერ

ევროპა ლიგა “ატლეტიკოსია”

მადრიდის “ატლეტიკო” ევროპა ლიგის 2017/2018 წლების სეზონის გამარჯვებულია. “როხიბლანკომ” გადამწყვეტ მატჩში, “პარკ ოლიმპიკ ლიონზე” “მარსელი” ზედმეტი კითხვის ნიშნის გარეშე დაჯაბნა და ტიტულს სრულიად დამსახურებულად დაეუფლა.

დიეგო სიმეონეს გუნდი მეტოქეს კლასით და გამოცდილებით რომ ძალიან აღემატებოდა ნათლად გამოჩნდა და მადრიდელებმა ზედმეტი პრობლემების გარეშე შეძლეს გამარჯვება. “ატლეტიკომ” ზუსტად ის თამაში აჩვენა, როგორიც სჭირდებოდა: თავი მშვენივრად დაიცვა, შემდეგ კი მეტოქის შეცდომებს დაელოდა, რომელიც მრავლად მიიღო და სათანადოდ გამოიყენა კიდეც.

ფრანგებმა თამაში აქტიურად დაიწყეს და დებიუტში ვალერი ჟერმენს გატანაც შეეძლო, მაგრამ მიზანმა უმტყუნა. სამაგიეროდ, ზღვისპირელთა პირველივე შეცდომა სათანადოდ გამოიყენეს ესპანელებმა: ზამბო ანდრე-ფრენკი 21-ე წუთზე უხეშად შეცდა, მანდანდას მიერ გაკეთებული გადაცემა ვერ შეიმაგრა და მეტოქეს ჩააბარა ბურთი, შედეგად ანტუან გრიზმანი მეკარესთან პირისპირ დარჩა და ანგარიში გახსნა. პირველ ტაიმში “მარსელი” ბურთს დიდხანს აკონტროლებდა და ცდილობდა საკუთარი თამაში მრისხანე მოწინააღმდეგისთვის თავს მოეხვია, თუმცა 32-ე წუთზე მათმა ლიდერმა დიმიტრი პაიემ ტრავმა მიიღო, მოედნის დატოვება მოუწია და ფრანგების სათამაშო სქემა მთლიანად აირია.

“როხიბლანკოსთვის” მეორე ნახევარი ბრწინვალედ დაიწყო, 49-ე წუთზე კოკემ გრიზმანს საჯარიმოში მშვენიერი პასი შეუყოლა, ფრანგმა შემტევმაც ბრწყინვალედ ითამაშა და რბილი დარტყმით დუბლი გაიფორმა, რითაც დიდწილად შეხვედრის ბედი გადაწყვიტა. “მარსელი” ყველანაირად ეცადა, რომ როგორმე სიტუაცია შემოებრუნებინა და თამაში დაეძაბა, თუმცა არაფერი გამოუვიდა და ეს გასაკვირი არცაა, რადგან ყველას კარგად მოეხსენება, თუ რამდენად რთულია “ატლეტიკოს” კარში თუნდაც ერთი გოლის გატანა. სამაგიეროდ, ესპანელებმა 89-ე წუთზე მორიგი შანსი გამოიყენეს და გუნდის კაპიტანმა გაბიმ, სხვაობა გამანადგურებელი გახადა – 0:3.

ამრიგად, “ატლეტიკომ” ევროპა ლიგა მესამედ მოიგო, ხოლო კლუბის ლეგენდამ ფერნანდო ტორესმა, რომელიც სეზონის დასრულებისთანავე “ლეიბებს” ტოვებს, მშობლიურ გუნდთან ერთად პირველი ჯილდო აღმართა. დიეგო სიმეონეს ხელმძღვანელობით კი მადრიდელებმა მეექვსე ტიტული მოიპოვეს.

მარსელი – ატლეტიკო 0:3 (0:1)

“პარკ ოლიმპიკ ლიონი”, ლიონი

მარსელი (4-2-3-1): მანდანდა, გუსტავო, რამი, ამავი, სარი, სანსონი, ზამბო, პაიე (მ.ლოპესი 32), ოკამპოსი (ნ’ჯიე 55), ტოვენი, ჟერმენი (მიტროღლუ 74).
მწვრთნელი: რუდი გარსია

ატლეტიკო (4-4-2): ობლაკი, გოდინი, ხიმენესი, ლუკასი, ვრსალკო (ხუანფრანი 46), საული, გაბი, კოკე, ა.კორეა (ტეიე 88), გრიზმანი (ფ.ტორესი 90), კოშტა.
მწვრთნელი: დიეგო სიმეონე

გოლები: 0:1, 0:2 გრიზმანი (21; 49), 0:3 გაბი (89)
გაფრთხილებები: ამავი, გუსტავო, ნ’ჯიე – ვრსალკო, ლუკასი
მსაჯი: ბერნ კუიპერსი (ჰოლანდია)
სტატისტიკა – ბურთის ფლობა: 54%-46%, დარტყმა: 12 (2) – 12 (4), კუთხური: 1-6, ჯარიმა: 18-9

Loading...

კომენტარები (6)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
19:42 | 17.05.2018
თორღვა პანკელი (1023)

ძალიან ლოგიკურად მორჩა ეს ფინალი.

14:35 | 17.05.2018
federerjamesliverpooldelpotro (10018)

ესპანეთი რო დომინირებს ფაქტია მაგრან ინგლისსაც აქვს ჩავარდნის მერე გამონათება ზოგადად კი ესპანური ფეხბურთი მწვერვალზეა თავისი ისტორიის.მარსელი სუსტი გუნდია პირველი გოლი მოიგონეს მერე პაიეც დაიმტვრა და ატლეტიკომ თავისი სცენარი დადგა.გარსიაც ძალიან სუსტი იყო ცუდი შეცვლები გააკეთა მიტროღლუ ძალიან გვიან შეიყვანა რო შეიყვანე ვნახეთ რა მომენტი ქონდა 2-0ზე საბოლოო ჯამში ცუდი თამაში იყო ატლეტიკოსგან მეტს არ ველოდები

14:22 | 17.05.2018
# KoRBeN DaLLaS # (13066)

ეს ჟერმენი გივარშს მაგონებს, უნიჭო ფრანგ ფორვარდს რომელიც 20-ოდე წლის წინ აგორებდა ბურთს (თუ იმას გორება ჰქვია).
რა ბურთი ააცილა ამ კვერცხმა თამაშის სტარტზე ტო ? ჩოლოს გუნდი ასეთ შანსებს ძალზედ იშვიათად იძლევა, გამოიყენე რა ? შეიძლება ყველაფერი სხვანაირად განვითარებულიყო, ზოგადად არ უყვარს ატლეტიკოს ანგარიშში ჩამორჩენა. თამაშის გახსნა უწევთ და ეს მათთვის არაკომფორტულია.
ბოლო 20 წელიწადში მარსელის მესამე ფინალს ვუყურე უეფას თასზე და მესამეც უშანსოდ წააგო.

12:24 | 17.05.2018
PAULINO (2627)

ესპანეთი სრული სვლით, შესაძლო 72 ევრო ტიტულიდან ბოლო 18 წელიწადში ანუ 21 საუკუნეში, 34 ესპანეთმა მოიგო, ამ ჰეგემონიის ფონზე ლა ლიგა ბარსამ 9 ჯერ მოიგო. ძალიან არ მინდა მაგრამ სამწუხაროდ იგივე სცენარი იქნება ლიგაზეც ამ ლივერპულის ფანებს რისი იმედი გაქვთ არ ვიცი, ბურთს არ დაგანახებთ რეალი, ძალიან მარტივად მოიგებს.

16:56 | 17.05.2018
mjgiri (3565)

კაი

13:51 | 17.05.2018
federerjamesliverpooldelpotro (10018)

დდდდდდდდდდდდ აგერ ნახავ რისი იმედი გვაქ

18:19 | 17.05.2018
PAULINO (2627)

რამოსი, მოდრიჩი, კროსი, კაზემირო, ბეილი, რონალდო, მარსელო. ამათ დონესთან ოდნავ მიახლოებული ლივერის ერთი იგროკი მითხარი. რა ვიცი რა ვიცი რისი ან ვისი გეიმედებათ

11:34 | 17.05.2018
emigrat77 (1065)

ესპანეთის ჰეგემონიაშია მთელი საფეღბურთო სამყარო, ერთი თავით მაღლა დგას ესპანეთის ჩეპიონატი სხვა ჩეპიონატებზე და იმედია ამოქაჩავენ სხვა ჩეპიონატები თორე უიტერესო ხდება უკვე ევრო ტურნირები,

09:59 | 17.05.2018
ეშლი იანგი (6445)

სიმეონემ თავისი ენით თქვა, ლიგის მერვედფინალში ყარაბახთან დაკარგული ქულების გამო ვერ გავედითო. ყველამ კარგად ვიცით, რომ ატლეტიკო არაა ევროპა ლიგის დონე გუნდი, შესაბამისად ეს ტიტული ლოგიკურია, მაგრამ მე ერთი რაღაც მაკვირვებს : დავიჯერო ასეთ დონეზეც ვერ ხერხდება თამაშების არჩაწყობა? აშკარად ეტყობოდა, რომ ორივე თამაში ჩაწყობილი იყო. გაბიმაც თქვა ევროპა ლიგა ნაგავიაო თუ რაღაცDD რავი, ვულოცავ ატლეს და გაბის. სეზონის დასრულების მერე ყარაბახის ფეხბურთელები ან ერთად იზეიმონ ტიტული (მაგათი წვლილიც ხო არის).
1

10:12 | 17.05.2018
ლეო შე ყვე(ლ)ო!!! .......................... LApaata (1287)

თუ გახსოვს ატლეტიჯოს სპონსორი წინა წლებში იყო აზერბაიჯანი, ხოდა რა დიდი ჩაწყობა უნდოდა მაგ 2 თამაშს? ფული ჯოჯოხეთს ანათებს. ატლეტიკომ 2 თამაშიდან ვერცერთი ვერ მოუგო ყარანახს .....))

10:22 | 17.05.2018
ეშლი იანგი (6445)

მეც მაგი მგონია, თორე შანსი არაა ატლეტიკომ ვერ მოუგოს ყარაბახს. ისე კაი ქნეს, თორემ თავიანთი რესურსებით ვერც ლალიგსს ვერ მოიგებდნენ და ვერც ლიგას თუ რაც არ გაიგიჟეს თავი. იმედია ასეთი რაც არ განმეორდება

10:24 | 17.05.2018
ეშლი იანგი (6445)

რაღაც

სტატისტიკა
0.303515