ბრაზილიის ეროვნული ნაკრები მსოფლიოს ჩემპიონატზე პსჟ-ს მცველ დანი ალვეშის გარეშე ითამაშებს. ვარაუდი გამართლდა და 35 წლის მცველის ტრავმა სერიოზული გამოდგა, რის გამოც კარს მომდგარი მუნდიალი გაუცდება.

დანიმ მუხლის ტრავმა საფრანგეთის თასის ფინალში “ლე ერბიესთან” (2:0) თამაშის დროს მიიღო. მიმდინარე სეზონში ვეტერანმა ფეხბურთელმა ყველა ტურნირის ჩათვლით 41 მატჩში 5 გოლი გაიტანა და 10 საგოლე პასი გააკეთა.

დანი ალვეშს მსოფლიოს ჩემპიონატზე აქამდე ორჯერ უთამაშია (2010 და 2014 წლებში). ბრაზილიის ნაკრები მუნდიალის ჯგუფურ ეტაპზე შვეიცარიას, კოსტა რიკასა და სერბეთის ნაკრებებს დაუპირისპიდება.