პრემიერლიგის 31-ე ტურის ოთხი გამოტოვებული შეხვედრა ოთხშაბათს გაიმართა. “ჩელსიმ” საკუთარ მოედანზე “ჰადერსფილდი” ვერ დაამარცხა. შესაბამისად, გათამაშების დებიუტანტმა ელიტაში ადგილი შეინარჩუნა, ხოლო ლონდონურმა კლუბმა ჩემპიონთა ლიგის საგზურზე ოცნება ფაქტობრივად დაასრულა: მხოლოდ იმ შემთხვევაში შევა ოთხეულში თუ ბოლო ტურში სტუმრად “ნიუკასლს” მოუგებს, ხოლო “ლივერპული” შინ “ბრაიტონთან” წააგებს, რაც ნაკლებად რეალურია.

სტუმრები 50-ე წუთზე დეპოიტრიმ დააწინაურა, რომელმაც კონტრშეტევა სათანადოდ დაასრულა, 62-ე წუთზე კი მარკოს ალონსომ კურიოზული გოლი გაიტანა: მცველის მიერ მოგერიებული ბურთი სახეში მოხვდა და ისე შევარდა ლოსლის კარში, თუმცა “ჰადერსფილდმა” მეტი გოლი აღარ გაუშვა, ქულა კი პრემიერლიგაში დასარჩენად საკმარისი გახლდათ – 1:1.

“ტოტენჰემმა” ჰარი კეინის გოლით შინ “ნიუკასლი” დაამარცხა და ჩემპიონთა ლიგის საგზური ოფიციალურად მოიპოვა, ახალმა ჩემპიონმა “მანჩესტერ სიტიმ” “ეტიჰადზე” “ბრაიტონს” სძლია, ხოლო “არსენალი” გასვლაზე “ლესტერთან” დამარცხდა.

ჩელსი – ჰადერსფილდი 1:1 (0:0)

გოლები: 0:1 დეპოიტრი (50), 1:1 ალონსო (62)

ლესტერი – არსენალი 3:1 (1:0)

გოლები: 1:0 იჰეანაჩო (14), 1:1 ობამეიანგი (53), 2:1 ვარდი (76 პენ.), 3:1 მაჰრეზი (90)
გაძევება: მავროპანოსი (15 ა.)

მანჩესტერ სიტი – ბრაიტონი 3:1 (2:1)

გოლები: 1:0 დანილო (16), 1:1 ულოა (20), 2:1 ბ.სილვა (34), 3:1 ფერნანდინიო (72)

ტოტენჰემი – ნიუკასლი 1:0 (0:0)

გოლი: კეინი (50)