"ლიონმა" საფრანგეთის ჩემპიონატის 35-ე ტურში "ნანტი" მემფის დეპაის და ბერტრანდ ტრაორეს გოლების წყალობით 2:0 დაამარცხა, ლიგა 1-ში 79 გოლი დაუგროვდა და აღნიშნული მაჩვენებლით კლუბის რეკორდი დაამყარა. წინა მიღწევა გუნდს გასულ სეზონში ჰქონდა, როდესაც 38 მატჩში 77 გოლი გაიტანა.

"ლიონი" ამჟამად მეორე ადგილზე იმყოფება და მესამეადგილოსან "მონაკოს" ერთი ქულით უსწრებს. "ოლიმპიკმა" ლიგა ერთში ზედიზედ შვიდი მატჩი მოიგო. გუნდიდან 10-ზე მეტი გოლი ოთხ მოთამაშეს მარიანო დიასს (18), ნაბილ ფეკირს (17), მემფის დეპაის (16) და ბერტრანდ ტრაორეს (11) აქვთ გატანილი.