გერმანიის ბუნდესლიგის 30-ე ტურში “მაინცისა” და “ფრაიბურგის” მატჩში თერთმეტმეტრიანი ვიდეოგამეორების შედეგად, შესვენებაზე დაინიშნა.
მსაჯმა გვიდო ვინკმანმა პირველი ტაიმი დაასრულა და ორივე გუნდი უკვე გასახდელში იყო გასული, როდესაც VAR-ის სისტემის გამოყენებით სადავო ეპიზოდი გადაამოწმა და “ფრაიბურგის” კარში პენალტი დანიშნა.
ვინკმანმა ფეხბურთელები მოედანზე დააბრუნა და “მაინცის” თავდამსხმელმა პაბლო დე ბლასისმა ანგარიში გახსნა.
შეხვედრა კი, საბოლოოდ მასპინძელთა გამარჯვებით, 2:0 დასრულდა.
