ხელბურთის ჩემპიონთა ლიგის ქალთა ტურნირზე გაირკვა ნახევარფინალისტთა ვინაობა: უნგრეთის დიორი, რუმინეთის ბუკურეშტი, მაკედონიის ვარდარი და რუსეთი როსტოვი. წილისყრა 17 აპრილსაა, ფინალური ოთხეულის ტურნირი კი 12-13 მაისს გაიმართება ბუდაპეშტში, ლასლო პაპის არენაზე.
მიმოხილვა (პირველი მატჩები): https://www.ehftv.com/int/video/rewind-women-episode-13/1167656
მიმოხილვა (საპახუხო მატჩები): https://www.ehftv.com/int/video/rewind-women-episode-14/1175088
მეოთხედფინალში ოთხივე ფავორიტმა გაიმარჯვა. რუსეთის როსტოვმა ორჯერ მოუგო უნგრეთის ფერენცვაროშს - 31-29 და 32-22. ზედიზედ მეხუთედ მოხვდა ფინალურ ოთხეულში შარშანდელი ფინალისტი, სკოპიეს ვარდარი, რომელმაც ორჯერ დაამარცხა დანიის მიდტიულანდი - 24-23 და 32-25.
სამგზის ჩემპიონს, დიორს (2013, 2014, 2017) ლიგის 2014 წლის გამარჯვებულთან, პოდგორიცას ბუდუჩნოსტთან აკლდა ორი ლიდერი, ნიკე ხროტი და სტინე ოფტედალი, მაგრამ სტუმრად 26-20 მოიგო, შინ კი - 30-28, ხოლო 35 წლის ანიტა გორბიცმა ჯამში 19 გოლი გაიტანა, სულ კი ჩემპიონთა თასზე, 14 სეზონში ყველაზე მეტი, 848 გატანილი ბურთი დაუგროვდა.
ყველაზე მძაფრი ბრძოლა 2016 წლის ჩემპიონ CSM ბუკურეშტსა და საფრანგეთის მეცს შორის იყო. რუმინულმა კლუბმა 34-21 მოიგო პირველი მატჩი, მაგრამ სტუმრად, მე-40 წუთისთვის უკვე ცხრით აგებდა, თუმცა, ქრისტინა ნიაგუმ და ბელა გულდენმა ფრანგებს მეტის საშუალება აღარ მისცეს - 20-27.
ამ კვირაში მეოთხედფინალური სტადია კაცებს შორის დაიწყება.
ხელბურთი. ჩემპიონთა ლიგა 2017-18. ქალები. მეოთხედფინალი (6-8 / 14-15 აპრილი):
ბუდუჩნოსტი (მნტ) - დიორი (უნგ) 20-26 (რაიჩევიჩი 9 - ამორიმი, გორბიცი 8)
დიორი - ბუდუჩნოსტი 30-28 (გორბიცი 11 - რაიჩევიჩი 9)
მიდტიულანდი (დან) - ვარდარი (მკდ) 23-24 (ფრიისი, კრისტიანსენი 6 - ცვიიჩი 8, ლეკიჩი 5)
ვარდარი - მიდტიულანდი 32-25 (ლეკიჩი 7, პენეზიჩი 5 - კრისტიანსენი 9)
ფერენცვაროში (უნგ) - როსტოვი (რუს) 29-31 (შაცლი, სუჩანსკი, ვან დერ ჰაიდენი 4 - ვიახირევა 8)
როსტოვი - ფერენცვაროში 32-22 (ვიახირევა 7 - იოვანოვიჩი 5)
CSM ბუკურეშტი (რუმ) - მეცი (საფ) 34-21 (ნიაგუ 10, გულდენი 7 - გროსი 9)
მეცი - CSM ბუკურეშტი 27-20 (უეტი 7, შმიტსი 6 - ნიაგუ 8, გულდენი 7)
ფინალური ოთხეული 12-13 მაისს ბუდაპეშტში (წილისყრა - 17 აპრილს)
