ფეხბურთი

17:31 | 7.04.2018 | ნანახია [] - ჯერ

"რეალი" "ბარსელონას" საჩემპიონო კორიდორს არ გაუკეთებს

მადრიდის “რეალი” “ელ კლასიკოში” “ბარსელონას” საჩემპიონო კორიდორს არ მოუწყობს. ამის შესახებ “სამეფო კლუბის” მთავარმა მწვრთნელმა ზინედინ ზიდანმა “ატლეტიკოსთან” მატჩისწინა პრესკონფერენციაზე გააკეთა განცხდება.

“საჩემპიონო კორიდოს “ბარსელონას” არ გავუკეთებთ. ეს გადაწყვეტილება მე მივიღე. რატომ? – კატალონელებმა პირველებმა დაარღვიეს ტრადიცია, როდესაც მსოფლიოს საკლუბო ჩემპიონატი მოვიგეთ, კორიდორი არ გაგვიკეთეს. შესაბამისად, “კამპ ნოუზე” ამას არც ჩვენ გავაკეთებთ.

ჩვენ ახლა “ატლეტიკოსთან” დერბისთვის ვართ კონცენტრირებულნი და გვსურს, რომ გამარჯვებების სერია გავაგრძელოთ. მიზანი, მხოლოდ 3 ქულის მოპოვებაა. რა თქმა უნდა, რამდენიმე ფეხბურთელი დაისვენებს, მაგრამ ვინ, ჯერ კიდევ არ მაქვს გადაწყვეტილი”, - განაცხადა ზიდანმა.

შეგახსენებთ, რომ “ბარსელონასა” და “რეალის” მატჩი ერთი თვის შემდეგ, 6 მაისს, “კამპ ნოუზე” გაიმართება. დიდი შანსია, რომ იმ დროისთვის “ბარსას” ესპანეთის ჩემპიონობა უკვე გაფორმებული ჰქონდეს.

0.120237