ლეგენდარული კოტ დივუარელი ფეხბურთელი დიდიე დროგბა საფეხბურთო კარიერას ასრულებს. ამის შესახებ აფრიკელმა ფორვარდმა Telefoot-თან ინტერვიუში განაცხადა. დროგბას თქმით, მოვიდა დრო, რომ კარიერა დაასრულოს.
“მომწონს ფეხბურთი, მომწონს ჩემი როლი ფეხბურთელისა და ხელმძღვანელის რანგში, მაგრამ მოვიდა დრო კარიერა დავასრულო. უკვე 40 წლის ვარ და მიმდინარე სეზონი ჩემთვის ბოლო იქნება”, - თქვა დიდიემ.
ამჟამად, დიდიე დროგბა ამერიკული “ფინიქს რისინგის” ფეხბურთელი და ერთ-ერთი მფლობელია. თავის დროზე კოტ დივუარელს “ლე მანში”, “მარსელში”, “ჩელსიში”, “შანხაი შენჰუაში”, “გალათასარაისა” და “მონრეალში” უთამაშია.
