ფეხბურთი

16:39 | 7.03.2018 | ნანახია [] - ჯერ

კობიაშვილი და იაშვილი “ფრაიბურგის” ყველა დროის სიმბოლურში

ლევან კობიაშვილი და ალექსანდრე იაშვილი “ფრაიბურგის” ყველა დროის სიმბოლურ ნაკრებში მოხვდნენ. ქართველი ფეხბურთელები “ფრაის” ისტორიაში ბუნდესლიგის ოფიციალურმა ვებგვერდმა გამოარჩია.

აი, რას წერს, ბუნდესლიგა ჩვენებურებზე:

“მოცემულ 11-ეულში ორიდან ერთ-ერთი ქართველია. ლევან კობიაშვილი გერმანულ ფეხბურთში 1998-2014 წლებში თამაშობდა. ის წარმატებით გამოდიოდა “შალკესა” და “ჰერტაში”, მაგრამ სახელი მანამდე “ფრაიბურგში” თამაშით გაითქვა, რომელსაც 1998 წლის იანვარში შეუერთდა. კობიაშვილმა “ფრაის” მაისურით ბუნდესლიგაში ჩატარებულ 185 მატჩში 36 გოლი გაიტანა და აქედან შვიდი 2000-2001 წლების სეზონში. როდესაც, “ფრაიბურგმა” ბუნდესლიგაში მეექვსე ადგილი დაიკავა და უეფას თასზე გავიდა. კობიაშვილი 2015 წლიდან საქართველოს ფეხბურთის ფედერაციის პრეზიდენტია”.

“მეორე ქართველი ყველა დროის სიმბოლურ ნაკრებში. იაშვილი “ფრაიბურგის” ფანებს 1997-2007 წლებში ანიჭებდა სიამოვნებას და მნიშვნელოვანი როლი ითამაშა გუნდის ბუნდესლიგაში აღზევებაში. ალექსანდრემ ბუნდესლიგაში 29 გოლი გაიტანა და ამ მხრივ კლუბის რეკორდსმენი კარგა ხანს იყო (ჯამში 275 თამაში, 63 გოლი), სანამ პაპის სისემ 2011 წელს არ გადაასწრო. თითქმის 300 მატჩის შემდეგ ის “კარლსრუეში” გადავიდა და დღემდე “ფრაიბურგში” ყველაზე მეტი მატჩი აქვს ჩატარებული ლეგიონერებს შორის. 2004 და 2008 წლებში საქართველოს საუკეთესო ფეხბურთელი იყო. ამჟამად კობიაშვილთან ერთად ფეხბურთის ფედერაციაშია”.

რაც შეეხება “ფრაიბურგის” სიმბოლურ ნაკრებს, შემდეგნაირია:

მეკარე: რიჩარდ გოლცი

მცველები: საშა რიეტერი, მატიას გინტერი, ლევან კობიაშვილი

ნახევარმცველები: ანდრეას ზეიერი, სუმაილა კულიბალი, ალექსანდრე იაშვილი, როდოლფო კარდოზო

თავდამსხმელები: პაპის სისე, იოახიმ ლიოვი, ნილს პეტერსენი

მწვრთნელი: ფოლკერ ფინკე

0.1413