მადრიდის “რეალის” მთავარი მწვრთნელი ზინედინ ზიდანი მიიჩნევს, რომ ესპანეთის ჩემპიონობისთვის ბრძოლა ჯერ კიდევ არ დასრულებულა. როგორც ფრანგმა სპეციალისტმა “ხეტაფესთან” მატჩისწინა პრესკონფერენციაზე განაცხადა, “სამეფო კლუბი” ბოლომდე იბრძოლებს.

“ფიქრობთ, რომ ჩემპიონატში ჩვენთვის ყველაფერი დასრულებულია, მაგრამ ფეხბურთში ყოველი თამაში მნიშვნელოვანია. ჩვენ ბოლომდე ვიბრძოლებთ, რთული იქნება, მაგრამ არა შეუძლებელი. მე ოპტიმისტი ადამიანი ვარ. რა თქმა უნდა, იმედგაცრუებული ვარ “ესპანიოლთან” მარცხით, მაგრამ უნდა დავრჩეთ კონცენტრირებულნი და არ დავნებდეთ”, - განაცხადა ზიდანმა.

შეგახსენებთ, რომ სეზონის დასურლებამდე 12 ტურით ადრე “რეალი” მესამე ადგილზე იმყოფება და ლიდერ “ბარსელონას” 15 ქულით ჩამორჩება.