ბირმინგემის “ასტონ ვილას” მცველი მიკა რიჩარდსი ერთ დროს ინგლისური ფეხბურთის ამომავალ ვარსკვლავად მიიჩნეოდა, მაგრამ ეს პერიოდი წარსულში დარჩა. 29 წლის ფეხბურთელი ახლა “ვილა პარკზე” თამაშობს და კარგ გასამრჯელოსაც იღებს – 1.8 მილიონი გირვანქა სტერლინგი.
აღსანიშნავია, რომ რიჩარდის 2016 წლის ოქტომბრიდან მოყოლებული ტრავმირებულია და მოედანზე ერთხელაც არ გასულა (თითქმის 500 უქმე დღე). მიუხედავად ამისა, ინგლისური მედიის ცნობით, თუ “ასტონ ვილა” პრემიერლიგის საგზურს მოიპოვებს, უთამაშებელ კაპიტანს კონტრაქტი გაუორმაგდება.
ბირმინგემელებს პრემიერლიგაში დაბრუნების შანსი ნამდვილად აქვთ, რადგან ჩემპიონშიპში ამ დროისთვის მესამე ადგილზე იმყოფებიან. მიკა რიჩარდსს რაც შეეხება, თავის დროზე “მანჩესტერ სიტის” დაცვის მარჯვენა ფლანგზე თამაშობდა, ხოლო ინგლისის ნაკრებში დებიუტი 18 წლის ასაკში ჰქონდა.
