გუშინ ერთი ამბავი ატყდა, ლეგენდარული ამერიკელი მსახიობის, სილვესტერ სტალონეს გარდაცვალებასთან და კავშირებით და ის-ის იყო, მავანთ სამგლოვიარო ცერემონიალისთვის შავი ლენტები და “ვენოკები“ უნდა ეყიდათ, რომ ეს სიცრუე მალევე გამჟღავნდა და იქვე გავრცელდა მოსაზრება, რომ საკუთარი გარდაცვალების შესახებ ჭორი თავად სილვესტერმა გაავრცელა და ამაზე გვარიანადაც გაერთო.
სილვესტერის ძმამ - ფრენკ სტალონემ, სოციალურ ქსელებში ჭორების გამავრცელებლებს გადარეულები და შეშლილები ეძახა, მაგრამ ბოლოს თავადაც ჩაიცინა ულვაშებში და მედიას სოციალურ ქსელებში ამ ხუმრობის გავრცელების პირველწყაროზე ცხადია, არაფერი უთხრა.
როგორც იცით, სილვესტერ სტალონე ერთადერთი არამოკრივეა, რომელმაც კრივის დიდების დარბაზში დაიმკვიდრა თავი და ეს ალბათ თავადაც ხვდებით, რომ როკი ბალბოას როლის არაერთხელ ფანტასიურად შესრულების გამო მოახერხა. დაუმარცხებელ “იტალიელ ულაყს“ (სწორედ ასე ეძახდენენ როკი ბალბოას) კი როგორც ჩანს იუმორი სიბერეშიც არ ღალატობს.
