ლონდონის “ტოტენჰემის” მთავარი მწვრთნელი მაურისიო პოჩეტინო ფეხბურთში ვიდეორეფერის საბოლოოდ დამკვიდრების წინააღმდეგია. როგორც არგენტინელმა მწვრთნელმა Mundo Deportivo-ს განუცხადა, ამან შესაძლოა ფეხბურთი მოკლას.
“ფეხბურთი შემოქმედებითი სპორტია, რომელსაც ნიჭიერი და ჭკვიანი ადამიანები სწირდება. ახლა ჩვენ ყურადღებას ვამახვილებთ მცირე დეტალებზე და ეს ყველაფერი შემაშფოთებელია.
ვიდეორეფერი ფეხბურთს ძალიან მკაცრ სტრუქტურას მისცემს. შეშინებული ვარ, რადგან თუ ასე გავაგრძელებთ, შეიძლება ეს სპორტი მოვკლათ”, - განაცხადა პოჩეტინომ.
შეგახსენებთ, ვიდეორეფერის მიმდინარე სეზონში სისტემატურად გამოიყენებენ სერია A-ში, ბუნდესლიგაში, ინგლისის ასოციაციის თასზე. გარდა ამისა, ფიფას ეგიდით გამართულ ყველა ტურნირში.
