ლეგენდარული ფრანგი ფეხბურთელი პატრიკ ვიეირა, რომელიც ამჟამად “ნიუ-იორკ სიტის” მთავარი მწვრთნელია, ლონდონის “არსენალის” თაობაზე კომენტარს აკეთებს.
“მეთოფეთა” ყოფილი კაპიტნის აზრით, კლუბმა მაღალი დონის ფეხბურთელები უნდა შეიძინოს თუ სურს, რომ “სიტის” შემდეგ წლებში კონკურენცია გაუწიოს.
“ვფიქრობ, ამ გუნდისგან უფრო მეტს ველოდებით. რა თქმა უნდა, გასული წლები არ ყოფილა კარგი კლუბისთვის და გულშემატკივრებისთვის. როდესაც იგებ, გინდა, რომ კიდევ მოიგო. “არსენალში” არიან ფეხბურთელები, რომელთაც უნდა გადაწყვიტონ რა სურთ მომავალში – ჩემი აზრით, ეს პირველ რიგში.
შემდეგ უნდა შეიძინონ ხარისხიანი მოთამაშეები, რომ “მანჩესტერ სიტის” კონკურენცია გაუწიონ. რადგან “სიტი” არის გუნდი, რომელიც უახლოეს წლებში ინგლისურ ფეხბურთში დომინანტი იქნება. მეორე რიგში კი, უნდა გადაწყდეს სათამაშო სტილი”, - ციტირებს ვიეირას Sky Sports-ი.
შეგახსენებთ, რომ პატრიკ ვიეირა “არსენალის” ღირსებას 1996-2005 წლებში იცავდა და ტონი ადამასის ფეხბურთიდან წასვლის შემდეგ, კაპიტანიც იყო.
