მადრიდის “რეალის” მთავარმა მწვრთნელმა ზინედინ ზიდანმა “ტოტენჰემთან” ჩემპიონთა ლიგის მატჩის წინ გამართულ პრესკონფერენციაზე აღიშნა, რომ “უემბლიზე” მაყურებელი საოცარი თამაშის მომსწრე გახდება.

“ალბათ ყველას ჰგონია, რომ “ჟირონასთან” მარცხის შემდგომ ცუდი განწყობა გვაქვს. ასე არ არის. ყოველ მარცხს აქვს საკუთარი მიზეზი. კატალონიელებთან წაგება ჩემთვის უბრალოდ საკვირველი იყო. ახლა მზად ვართ “უემბლიზე” კარგი მატჩი ჩავატაროთ. ეს სტადიონი მომსწრე გახდება დიდი ბრძოლის, ველი კარგ თამაშს ღირსეულ მოწინააღმდეგესთან.

მოთამაშეებს კარგად ესმით თუ სად უწევთ თამაში. “უემბლი” უფრო მეტია, ვიდრე სტადიონი. მე ენთუზიაზმით ვარ ჩამოსული. რაც ყველაზე მთავარია – ყველა დამარცხებას მოყვება გამარჯვება და ჩვენ მზად ვართ ამ გამოწვევებისთვის.

მაურისიო პოჩეტინო? ის შესანიშნავად აკეთებს თავის საქმეს. ამაზე შედეგებიც მეტყველებს. რაც შეეხება ტაქტიკურ სქემას, არ ვფიქრობ, რომ არსებობს რაიმე სირთულე, ვითამაშოთ ორი ან სამი ცენტრალური მცველით”, - განაცხადა ფრანგმა სპეციალისტმა.

შეგახსენებთ, რომ “ტოტენჰემისა” და “რეალის” მატჩი დღეს, 1 ნოემბერს, თბილისის დროით 23:45 საათზე დაიწყება.