კატალონიური “ბარსელონას” შემტევმა ლიონელ მესიმ “ოლიმპიაკოსთან” ჩემპიონთა ლიგის მატჩში (3:1) ევროტურნირებზე მისთვის საიუბილეო მე-100 გოლის გატანის გარდა, უცნაური საქციელითაც მიიქცია საზოგადოების ყურადღება - სოციალური ქსელები აჭრელდა ფოტო-ვიდეო მასალით, სადაც ჩანს, რომ არგენტინელმა ფეხბურთელმა თამაშის მიმდინარეობისას წინდებიდან რაღაც ამოიღო და შეჭამა.
სიტუაციაში გარკვევას სხვებთან ერთად marca-ც შეეცადა და როგორც გვამცნობს, მესიმ გლუკოზის აბი მიიღო.
