ფეხბურთი

19:14 | 28.09.2017 | ნანახია [] - ჯერ

სერია A-მ ბუნდესლიგას გადაასწრო

უეფამ საფეხბურთო ჩემპიონატების ახალი რეიტინგი გამოაქვეყნა. საინტერესოა, რომ ცვლილება მოხდა პირველ ოთხეულში. იტალიის სერია A-მ გერმანიის ბუნდესლიგას ადგილი გაუცვალა და მესამე პოზიციაზე გადაინაცვლა.

განახლებულ რეიტინგში იტალიის ჩემპიონატს 64 082 ქულა აქვს, ხოლო გერმანიას – 63 998. აღსანიშნავია, რომ ბუნდესლიგა ერთი თვის წინ მეორე ადგილზე იყო და მხოლოდ ესპანეთის ლა ლიგას ჩამორჩებოდა, მაგრამ ევროტურნირებზე გერმანული გუნდების წარუმატებელი თამაში რეიტინგზე მალევე აისახა.

ჩემპიონთა ლიგის მეორე ტურში სამივე გერმანული გუნდი (“დორტმუნდი”, “ლაიფციგი” და “ბაიერნი”) დამარცხდა, ხოლო იტალიურმა გუნდებმა მოიგეს (“რომა”, “ნაპოლი” და “იუვენტუსი).

საინტერესოა ის ფაქტიც, რომ ჩემპიონთა ლიგის ერთ ტურში ყველა იტალიურმა გუნდმა 2011 წლის მერე პირველად მოიგო, ხოლო ამავე მონაცემით გერმანული გუნდი გამარჯვების გარეშე 2014 წლის მერე პირველად დარჩა.

გარდა ამისა, იტალიის სერია A-მ სამეულში ადგილი 2010 წლის შემდეგ პირველად დაიბრუნა.

რაც შეეხება საქართველოს ეროვნულ ლიგას, 45-ე ადგილზეა 5.000 ქულით.

აქვე გთავაზობთ საუკეთესო ათეულს:

ლა ლიგა (ესპანეთი) – 92 712

პრემიერლიგა (ინგლისი) – 66 034

სერია A (იტალია) – 64 082

ბუნდესლიგა (გერმანია) – 63 998

ლიგა 1 (საფრანგეთი) – 48 748

პრემიერლიგა (რუსეთი) – 45 582

პრიმეირა (პორტუგალია) – 41 915

იუპერ ლიგა (ბელგია) – 37 100

პრემიერლიგა (უკრაინა) – 35 733

სუპერლიგა (თურქეთი) – 31 600

0.151221