ფეხბურთი

11:43 | 26.09.2017 | ნანახია [] - ჯერ

“ვილიარეალმა” ესკრიბას კარისკენ მიუთითა
ხავი კალეხამ ვალენსიური კლუბი ჩაიბარა

“ვილიარეალის” ხელმძღვანელობამ ფრან ესკრიბა მთავარი მწვრთნელის პოსტიდან გაათავისუფლა. აღნიშნული ინფორმაცია “ყვითელი წყალქვეშა ნავების” ოფიციალურმა ვებგვერდმა დაადასტურა.

ვალენსიურმა კლუბმა სეზონი ცუდად დაიწყო, ექვსი ტურის შემდეგ მხოლოდ შვიდი ქულა აქვს და მე-14 ადგილზე იმყოფება. ესკრიბას კვირას განცდილი საშინელი მარცხი აღარ აპატიეს – “ვილიარეალი” გასვლაზე “ხეტაფესთან” განადგურდა (0:4).

ესკრიბას გარდა, “ესტადიო დე ლა კერამიკას” დატოვება მოუწევთ მის ასისტენტებს ხოსეპ ალკასერს და ხოსე მასკაროსს.

ცნობისთვის, 52 წლის სპეციალისტი “ვილიარეალს” 2016 წელს ჩაუდგა სათავეში და გასულ ლა ლიგაში ვალენსიურმა კლუბმა მეხუთე ადგილი დაიკავა.

რაც შეეხება ახალ მწვრთნელს, "ყვითლები" სეზონის ბოლომდე ახალგაზრდული კლუბის თავკაცმა ხავი კალეხამ ჩაიბარა.

0.112426