ეროვნულ ლიგა 2-ში 27-ე ტურის სამი მატჩი გაიმართა. ლიდერმა “მერანმა” გასვლაზე 2:0 აჯობა ბოლოსწინა ადგილზე მყოფ “ზუგდიდს”. ორივე გოლი უკრაინელმა სერგეი ტრეტიაკმა გაიტანა. მარტვილელები ექვსქულიანი ჰანდიკაპით არიან პირველ ადგილზე, თუმცა მდევარ “რუსთავს” ამ ტურში სათამაშო აქვს.

ბოლო ტურებში მოგებათა სერიას გაუყვა “გაგრა”. ეს მას შემდეგ, რაც დენის ხომუტოვი დაინიშნა მწვრთნელად. “გაგრამ” ამჯერად “ცხინვალს” მოუგო ლევან პაპავასა და ზვიად ქანთარიას გოლებით. სტუმართაგან თამაზ ლომსაძემ გაქვითა ერთი ბურთი – 2:1. ხომუტოვის გაწვრთნილები ეროვნულ ლიგაში გადასასვლელად იბრძოლებენ.

წყალტუბოს “სამგურალმა” ბოლნისის “სიონი” ბოლოს გატეხა. ზაურ გოგუაძემ და ზურა ფანცხავამ გაუტანეს ქვემოქართლელებს – 2:0. “სიონი” მესამეზე დარჩა, თუმცა მდევრები მიუახლოვდნენ. ახლა, “გაგრას” გარდა, “სამგურალსაც” შანსი აქვს.

ზუგდიდი – მერანი (მარტვილი) 0:2 (0:2)

გოლები: 0:1, 0:2 ტრეტიაკი (11, 38)

გაგრა – ცხინვალი 2:1 (1:0)

გოლი: 1:0 პაპავა (12), 2:0 ქანთარია (85), 2:1 ლომსაძე (88)

სამგურალი (წყალტუბო) – სიონი ( ბოლნისი) 2:0 (0:0)

გოლი: 1:0 გოგუაძე (88), 2:0 ფანცხავა (90+4)

22 სექტემბერს გაიმართება ტურის ორი მატჩი

16:30. ლანჩხუთი. გურია (ლანჩხუთი) – ვიტ ჯორჯია (თბილისი)

16:30. რუსთავი. რუსთავი – მეშახტე (ტყიბული)