“მანჩესტერ იუნაიტედის” ფორვარდი მარკუს რეშფორდი რეკორდების დამყარებას აგრძელებს. რამდენადაც უცნაური უნდა იყოს, 19 წლის ტალანტი ისე თამაშობს, თითქოს ფეხბურთში ათწლეულები გაეტარებინოს.

საინტერესოა, რომ მარკუსმა თითქმის ყველა ტურნირზე სადებიუტი შეხვედრაშივე შეძლო გოლის გატანა. ბოლოს ასეთი რამ გუშინ, ჩემპიონთა ლიგაზე გააკეთა. რეშფორდს ევროპის ურპესტიჟულეს საკლუბო ტურნირში გოლის გასატანად სულ რაღაც 7 წუთი დასჭირდა. მოედანზე სწორედ ამ დროის შესული იყო, როდესაც “ბაზელის” კარი აიღო.

ეს არ ყოფილა პირველი შემთხვევა, როდესაც რეშფორდმა დებიუტი და გოლი ერთმანეთს შეუწყო.

ყველაფერი 2016 წლის 25 თებერვალს დაიწყო, როდესაც ლუის ვან გაალმა ევროპა ლიგაზე “მიდტიულანდის” წინააღმდეგ ათამაშა და თინეიჯერმა ინგლისელმა ყველასდა მოულოდნელად დუბლი გაიფორმა. სამი დღის შემდეგ, უკვე პრემიერლიგაში ჰქონდა დაუვიწყარი დებიუტი: დუბლი ლონდონის “არსენალთან” და “მანჩესტერმა” ამ გოლებით 3:2 მოიგო.

მარკუს რეშფორდმა 2016 წლის 27 მაისს ინგლისის ეროვნულ ნაკრებში პირველად ითამაშა და ავსტრალიის ნაკრების კარი აიღო, ხოლო ინგლისის 21-წლამდელთა ნაკრებშიც დებიუტი გოლით დააგვირგვინა. ზემოხსენებულთან არაფერია ის, რომ ინგლისელმა შემტევმა ინგლისის ლიგის თასზე პირველივე შეხვედრაში გაიტანა გოლი “ნოტინგემის” კარში.

მოკლედ, მარკუს რეშფორდს ნამდვილად შეგვიძლია ვუწოდოთ დებიუტის კაცი...