იტალიის სერია A-ს ყველაზე მაღალანაზღაურებადი ფეხბურთელი ლეონარდო ბონუჩია. Gazzetta dello sport-ის ინფორმაციით, 30 წლის ფეხბურთელი “მილანში” 10 მილიონ ევრომდე გამოიმუშავებს. აქედან რვას ხელფასის, ხოლო დანარჩენს ბონუსების სახით.
ბონუჩის გონსალო იგუაინი მოჰყვება – არგენტინელს “იუვენტუსი” სეზონში 7.5 მილიონ ევროს უხდის. პაულო დიბალა ამავე დროში 7 მილიონს გამოიმუშავებს, ხოლო დუგლას კოშტა და ჯანლუიჯი დონარუმა 6-6 მილიონს.
მწვრთნელებს შორის პირველ ადგილზე მასიმილიანო ალეგრია – 7 მილიონი ევრო, ხოლო კვალში ლუჩანო სპალეტი უდგას 4 მილიონით.
