“გალათასარაის” კატალონიური “ბარსელონას” ნახევარმცველის არდა თურანის დამატება სურს. Football Espana–ს ცნობით, სტამბოლურ კლუბს 30 წლის ფეხბურთელის ერთწლიანი იჯარით დამატება უნდა.

ნახსენები წყაროს ცნობით, თურქული გრანდი მზადაა, რომ არდას ერთი სეზონის განმალობაში 4 მილიონი ევრო გადაუხადოს და გუნდის კაპიტნად დანიშნოს.

ცნობისთვის, თურანი “გალათასარაის” საფეხბურთო სკოლის აღზრდილია და ამ კლუბის მაისურით 2004-2011 წლებში ჩატარებულ 197 მატჩში 45 გოლი აქვს გატანილი. 2011 წელს არდა “ატლეტიკოში” გადავიდა, ხოლო 2015 წელს “ბარსელონას” მიაშურა, რომლის რიგებშიც 55-ჯერ ითამაშა და 15 შედეგიანი დარტყმა განახორციელა.